Juan 17:4 - NandevaBiblia

⁴ She rãnga arỹmbyvetema ko yvy'iãrẽ hareka opa ajapo nde rỹmeẽ she vekua ajapo verã.

Juan 17:4 Iomraidhean Croise

Lucas 22:37

Hai rãnga pee potanõĩ opa iko shyrehe hekope kavi kuatia mbyparaha vekuapy: “Heko porãmbava rãĩmi rekoha”. Shara opaite he'ia shyrehe vekua, opa iko oho'i.

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

Juan 14:13

Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.

Juan 14:31

tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 15:10

Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Juan 19:28

Kova mbai opamarã, Jesús kuaama opa maĩnunga vãhẽma japyaperã, hareka iko verã Mbyparahavapy'õ heivarã, hei: Shu'uhe.

Juan 19:30

Jesús hou vino irovarã, hei: “Opama iko”. Haivi ñakã mbiroa yvy kytyrã, mano.

Juan 4:34

Jesús heishu reta: Shĩmbiu hai ajaposhu shymbou vekua potava, hareka opa ajaposhu verã hai heiva.

Juan 5:36

Tẽvã Juan hei vekuaivi ĩme'are mbava ijeta kavive shyreheva. Hãma maĩnunga ajapova, hai Sheru japokasheva, hokava heshaka kavi ãñete Sheru shymbouva.

Juan 9:3

Jesús heishu reta: Ha'ẽã hai hareka tuure mbai porãmba japo jyrerã; ko kuimbai kyrã oa Tũpa ñymbaikatukue heshakahe verã.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

2 Timoteo 4:7

She ñyrãrõpe ãĩrãrõ kavi, japypeve ãñani hareka mapeã apoi airojahe Tũpa.