Juan 17:26 - NandevaBiblia

²⁶ She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

Juan 17:26 Iomraidhean Croise

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 15:15

She apyrỹmbyheeveamapo “jokueharea”, shara jokueharea kuãã hai jokue'õ japova. She apyrỹmbyhee “shi'ĩrũre”, shara opa ambeupe Sheru heishe vekuare.

Juan 15:4

Pẽĩkatu shyrehe, hãrã she'ãĩpo jyve pyndyrehe. Shara uva hãkãkuereii katuãpo ia jypyre ẽ'ẽãrã; kyrã jyvepe peĩã shyreherã katuãpo mbai pijapo.

Juan 15:9

Sheru shyraihuva rãĩmi, apyryhaihu jyve, hãme pikopo jyve jyhaihu ĩme'arevape.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 17:6

Opaiteva nde rỹmeẽshe vekua kuaretare mbyteivi aikuaakashu reta mbavara nde. Hai reta rãnga na'ãpo vekuare hãrã rỹmeẽshe, hãme rãnga haire japo niñee.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 6:56

Shyroo houva, hareka mbusururuva shuruvy ẽẽ shendie, hãrã she ãĩjyve hãndi.

Juan 8:50

She aipotãã mbava shymbyvete; tẽvã ĩme'ẽ hekava hareka hai ẽ shendie.

Romano 8:10

Tẽvã Cristo ẽẽ pyndypyaperã, ajemaĩ pyndyrete manotẽvã mbai porãmba vekuare, espiritu iko shara Tũpa ñanymbyheko kavima.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 12:12

Shara Cristo jytũpao ova kuareta hete. Reko opaĩ marãrãngatuva hai ryhevare, tẽvã pente tyreteĩ.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 1:6

Kyrãpo ñamombai vasuñoĩshu Tũpa shara ñandyraihuite, hareka hai ĩãrẽve meẽjy ñande mbai haikaviva Tay haihuva rupii.

Efesios 3:17

hareka Cristo iko verã pyndypyape jyrojakue rupii, hareka tantagãtu peĩ verã jyhaihupe Tũpare hareka opaite yngavare,

Efesios 5:30

shara ñande hai jyve ñaĩva hetere, japoava ho'oivi hareka kãvẽivi.

Efesios 5:32

Mbai vasu tivishava ko kuaambava heiha ñande; hãrã shee hai pee tũpaore hareka Cristo.

Colosenses 1:27

Tũpa potai kuaakashu haimba Judiovare mbai ojaimbava hĩmbipeva tentare pevarã, hokava hai: Cristo ẽvã pynymbytepe, hãrã haiteiva pyharõpẽĩ pyreko verã tykove hĩmbipeva.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Hebreos 2:12

Ñandeja ĩñeepe rãnga hei: “Shyryvyre ambeuposhukui ndyree, hareka ñymbatyhavaipi apyrahepokui mbyrahere”.

1 Juan 3:24

Hãma japova hai heiva, haire ẽẽ ñynoĩhe Tũpa, hãrã haire ẽẽ jyvepy. Kyrã jaikuaa hai iko ñandypyape, Espiritu Santo hai meẽ ñande vekua rupii.