Juan 17:25 - NandevaBiblia

²⁵ Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 17:25 Iomraidhean Croise

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 16:16

Simón Pedro heishu: Nde hai Cristo, Tũpa tay hykove'ia.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 10:15

Sheru shykuaa kavi, hãrã she aikuaa kavi jyveshu Sheru. Kyrãĩ aikuaa kavi jyve shy'avishare; hãrã haire shykuaa kavi jyve hareka she añono shyrykove shy'avisha retare.

Juan 15:21

Opaite kova mbai japoñoĩpo pyndyrehe reta she rehe, shara kuãã reta shymbou vekua.

Juan 16:27

Sheru teiva rãnga pyndyraihu. Shara shyraihupirã hareka pyroja she aiva Tũpaivi.

Juan 16:3

Haire kyrãpo japo, shara shykũãã reta hareka jyve Sheru.

Juan 16:30

Ã'ẽ kuaahama opa mba'e rikuaava, hareka rikotẽveã mbava mbai pyrãndu nde. Hãrã rojaha reiva Tũpaivi.

Juan 17:11

She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Juan 17:18

Nde shymbouva rãĩmi kuaretare mbytepe ko yvy'ĩãrẽ, kyrã ãmondo jyveshu reta kuaretare mbytepe ko yvy'ĩãrẽ.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Juan 6:19

Mboireare jyrahama 5 kilometroipirã, hesha reta Jesús vata ou yy ĩãrẽ kanoa jykotyrã, opa kyje reta.

Juan 7:29

Tẽvã She aikuaashu shara hai ẽvãivi ai, hareka hai shymbou.

Juan 8:19

Hãrã pyrãndushu reta: Maperã ĩme'ẽ nderu? Jesús heishu reta: Pee shykuããpi, hãrã pikuãã Sheru. Shykuapirã pikuatẽ verã jyve Sheru.

Juan 8:55

Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.

Hechos 17:23

Shara pemombai vasuvaipi ahasarã hareka amaĩrã, ahesha pente altarpe pente ñee mbyparahava heiva: “Pente Tũpa kuaambava”. Hoka pikuambava pemombai vasu pyreva, hai rãnga ambeupe.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Romano 3:11

Mba'ety kuaava, mba'ety hekava Tũpa.

Romano 3:26

hãrã ã'ẽ ara ñaĩmevape, heshaka jyve poimbaa heko kaviva, mbyheko kavi opaite Jesús jyrojahea.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

Hebreos 8:11

Mba'etymapokui mboiverã hapishape, mbaivamba heishu verã ñymoña hãndiare, kuaa verã Teja; shara opaiteva, ndeivavive hareka kuakuamavare, shykuapokui.

1 Juan 1:9

Tẽvã Tũpa ñaimbeushu mbai porãmba jajapo vekua retarã, hai jairojaheva hareka hekokavi, hejareii ñandyhevi verã hareka ñandohepo mbai poshykueivi.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 16:5

Haivi ahendu Tũpa jokueva yy ija: “Tũpa, nde ndyreko kyamba, opa arañoĩ rikova, hekope kavi nde rijaheheva.