Juan 17:18 - NandevaBiblia

¹⁸ Nde shymbouva rãĩmi kuaretare mbytepe ko yvy'ĩãrẽ, kyrã ãmondo jyveshu reta kuaretare mbytepe ko yvy'ĩãrẽ.

Juan 17:18 Iomraidhean Croise

Mateo 10:5

Jesús mondo kova 12 õre opama mbeu kavishu retarã: Avy pekuakui haimba Judiore hentaipi, hareka tenta Samariaipi.

Mateo 23:34

Hãmẽãra amondopokui Tũpa ĩñee mbeu'ia pyrỹmboi'ia mbai kuaava. Tẽvã peepo pijuka hareka pymbysavava kurusure hai retavape, hãrã ĩrũre punũpapokui Judiore ñymbaty'õpe hareka pymoñapokui henta'ia retape.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Juan 3:17

Tũpa mbouã Tay yvy'ĩãrẽ jyvarehe verã kuaretare, hai rupii ohojepe verãĩ rãnga.

Juan 4:38

She apyrỹmondo pymynõõ verã peemba piñotyva; yngava reta rãnga heta mba'apohe, hãrã haire ñotỹ vẽkua pymynõ'õĩmapo.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

Efesios 3:7

She, Pablo, Tũpa japo shyhevi shokuerã ambeu verã ĩñee kavi jyhaihukue hareka ñymbaikatu rupii.