Juan 17:11 - NandevaBiblia

¹¹ She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Juan 17:11 Iomraidhean Croise

Mateo 10:16

Pikuapo, avisha rãĩmi she apyrỹmondo avara vasure mbytepe. Hãrã piko kuaapo mboi rãĩmi, hareka pykasure rãĩmi heko poshymbaa.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Mateo 6:9

Tẽvã pee kyrãpo pirure: Yreru vate arapy rĩmerẽĩva, avy tymyngy'aha ndyree.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 17:6

Opaiteva nde rỹmeẽshe vekua kuaretare mbyteivi aikuaakashu reta mbavara nde. Hai reta rãnga na'ãpo vekuare hãrã rỹmeẽshe, hãme rãnga haire japo niñee.

Juan 7:33

Haipe Jesús hei: Mbovy araĩmapo ãĩme'ãĩ pynymbytepe, haivi ahajypokui Tũpa shymbou vekua'õpe.

Hechos 3:21

Tẽvã ã'ẽ Jesucristo pytateri'ẽ vate, opa mbai ñonoha kavipeve. Opa mbai heiva, Tũpa ĩñee mbeu'ia kyambava, arykaivare ikoterivape.

Romano 12:5

kyrã jyve ñande, ajemaĩ ñandyreta, penteva tyretepeĩ jajapo Cristo rehe hareka penteapeĩ ñaĩ hãndi hareka opa pavẽĩ tyrete ñaĩheva rãĩmi.

Romano 9:17

Shara kuatia Mbyparahavape heishu Faraón: “She ãriñono Egipto juhuvisha vasurã, nde rupii ãmbishaka verã pyrãtãkue ĩme'areva, hareka shyree opa kuaaha verã ko yvy'ĩãrẽ”.

1 Corintios 1:10

Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Efesios 4:4

pee hai pente tyreteĩ hareka pente Espirituĩ, pynyrẽnohava rãĩmi pente ñyhãrõpeĩ ohojepevape.

Filipenses 2:9

Hãrã Tũpa vateve ñono opavaivi, haivi meẽshu pente tyree ẽvã opavare ĩãrẽ.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 9:24

Cristo icheã oo kyamba'õpe kuaretare ipope japova ẽvãpe, añeteiteva myha'angahaĩhea koñeĩ vate arapeteimba, ã'ẽ ẽvãpe Tũpa hỹnonde jurure'asy ñandyrehe verã.

Santiago 4:4

Tykove Tũpa haihumba hareka ñee hendumbare! Pikuããra piñimi'ĩrũhe yvy'ĩãrẽ'õrã, peima pimbyvaishoheva Tũpa? Ĩme'ẽ pota yvy'ĩãrẽ'õ ñimi'ĩrũhearã, ñymbyvaishomahe Tũpa.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

1 Juan 3:12

Avypo jaiko Caín iko vekua rãĩmi, hai rãnga tyvy juka, shara hai Ãña tay. Hareka mbaiva rehera juka? Shara Caín porãmba japo, hareka tyvy japo mbai haikaviva.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 15:4

Mbavara kyjeãpo ndyhevi, Teja, hareka nemomba'ẽãpo shara ndeiirẽĩ ndyreko kyamba hãme opaite tenta vasure oupo hareka nemombaipo shara hekopekavi rĩpirĩmbivache.

Apocalipsis 19:12

Hesare tata hendyva rãĩmi; ñakare hetare tankare ñonoava, hareka ĩmere tyree mbyparahava mbamba kuava, Ha'iĩ koñeĩ kuaa.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.