Juan 17:1 - NandevaBiblia

¹ Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Juan 17:1 Iomraidhean Croise

Marcos 14:41

Jesús mbahapyheama oujyrã, heishu reta: Peche, hareka puputupẽĩkate. Haikavima, vãhẽma kuareta Tay mẽ'ẽhã verã heko porãmbare ipope.

Lucas 18:13

Tẽvã kyrypoti mbatyse'iare Roma pevarã mbyryĩ ñymboy'i, õĩmbashua vate arare mãĩ verã, koñymãi pitiape nũpa'irã hei: “Tũpa, shyparekomĩtẽ, shara she hai heko porãmba!”

Lucas 22:53

Opa ara rãnga tũpao pe aiko'ai pynymbyteipi, mba'ẽã pijapo shyrehe. Tẽvã kova hai'ora pee pã'ãpova, ora mbaikatu timimbipyva.

Juan 11:4

Jesús hokava hendurã hei: Ko mbairasy ha'ẽã rãnga opa verã ñymãnope; Tũpa ñymbaikatukue heshaka verãĩ rãnga, ko Lazaro ñymbairasykue rupii Tũpa heshakapo hai Tay mbaivasuva.

Juan 11:41

Hãrã mbysyry reta ita vasu mbotyhapya. Jesús vate maĩrã hei: Sheru, gracia ameẽnde shara nde shyrẽndu.

Juan 12:23

Jesús heishu reta: Vãhema ora kuareta Tay õmomba'eha verã.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 16:32

Vãhẽma ara, ã'ẽvãĩ opa pimomohẽ verã, hareka shẽĩpo shyrejapikui. Tẽvã, ha'ẽã sheiĩ ãĩva shara Sheru aĩ hãndi.

Juan 7:30

Haivi pota pysykajyre; tẽvã mba'ety pysyva shara ndeiteri vãhẽ jy'ara.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Juan 8:20

Kyrã Jesús ñimiñee tũpaope, Tũpape mẽ'ẽãva kyrypoti hyru hyvache. Tẽvã mbavẽã raha mbypereso, shara vãhẽãteri jy'ara.

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.