Juan 16:28 - NandevaBiblia

²⁸ She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 16:28 Iomraidhean Croise

Lucas 24:51

Ohovasa teri'ẽshua retapeĩ syry ohoshi retarã rahaha vate arape.

Lucas 9:51

Hãma vãhẽserima vate arapy hupiajy verãrã, Jesús hei oho verã Jerusalénpe.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 14:28

Pyhenduma rãnga hai'ãipeva ahajypo, tẽvã aijypo aiko penendiekui. Pee ãñete shyraihurã pyvy'aĩtẽ verã, shara pikuama ahajypo Sheru ẽvãperã mbaivasuve shyheviva.

Juan 16:10

heshakaposhu reta mbaivara hai tykove kyambava hape, shara ahapo Sheru ẽvãpe, hãrã pee shyreshaveãmapokui;

Juan 16:16

Vãhẽserima, shyreshaveamapi verãpe, tẽvã kutymijyapepo shyreshapijykui. Shara she ahajypo Sheru ẽvãpe.

Juan 16:30

Ã'ẽ kuaahama opa mba'e rikuaava, hareka rikotẽveã mbava mbai pyrãndu nde. Hãrã rojaha reiva Tũpaivi.

Juan 16:5

Tẽvã ã'ẽ ahajypo shymbou vekua ẽvãpe, hareka mba'ety pynymbytepe pyrãndusheva matyrapo aha.

Juan 17:11

She rãnga ãĩmeveamapo'ãĩ ko yvy'ĩãrẽ; tẽvã haire ĩmeteripo'ẽ ko yvy'ĩãrẽ, hãrã she ahapo nde rẽivape. Sheru heko Kyambava, ñyngarekohe reta nymbaikatukuepy nde rỹmeẽshe vekuare, pente ñeepejyre verãre ñande jaikova rãĩmi.

Juan 17:13

Ahamapo rẽĩvape, hãrã ambeu kova mbai ko yvy'ĩãrẽivi ndei ãhẽrã, haire vya verã jyve she rãĩmi.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 8:14

Jesús heishu reta: Sheeitẽ aijeta shijehevara, añetevaĩ hai. She rãnga aikuaa mãĩvira ai hareka matyra aha. Tẽvã pee pikuãã.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.