Juan 16:22 - NandevaBiblia

²² Kyrãĩ jyvepe ã'ẽ pyvy'ãpẽĩ, tẽvã aijyma apyryresharã vy'akue pynytynyhẽpokui, pente vya mbavamba katu heky pyndyhevi verã.

Juan 16:22 Iomraidhean Croise

Mateo 28:8

Haivi taupere ohojy tã'õvere kyje ryheve, ñaniavei jyraha mbeushu verãre mboireare.

Lucas 10:42

tẽvã pente mbai haikavivaĩ. Hokava pyhỹrõma hai Maria, hãrã mba'etyjy hekyshi verã.

Lucas 16:25

Tẽvã Abraham heishu: “Shyray, manduahe rĩmẽteririrã mbai heta ryrerã rikokavi, kyrãite rãnga Lázaro heta hasa'asy jyve. Hãrã ã'ẽ hai vy'a ẽẽ kope, ndehaitema ryhasa'asyiterẽĩ jyve.

Lucas 19:26

Mburuvisha vasu hei: “She hai pee, ĩmereva ĩãrẽvepo mẽ'ẽhajyshu; tẽvã mba'etyreva, mĩshĩĩ ĩmetereva hekyajyposhi.

Lucas 24:41

Tẽvã rojanungamba reta, vy'aite hareka mbyrymaĩ retarã; Jesús heishu reta: Ĩmera pyree kope jau verã?

Juan 14:1

Avy pejepy'apy, pirojahe Tũpa hareka piroja jyve shyrehe.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Juan 14:27

Ahejape pyavapy. Ameẽ pee shypyavapykue, ãmẽ'ẽãpe kuaretare meẽva rãĩmi. Avy pejepy'apy hareka avy pykyje.

Juan 16:16

Vãhẽserima, shyreshaveamapi verãpe, tẽvã kutymijyapepo shyreshapijykui. Shara she ahajypo Sheru ẽvãpe.

Juan 16:20

Ãñete rãnga hai pee, pijaheopo hareka pyvy'ãpopi, kuaretare vyañynoĩ hairã. Pyvyambatẽvãra, pyvyamba vekua ikoposhikui vy'akue.

Juan 16:6

Tẽvã kova mbai ambeuperã pynymbyvy'ã.

Juan 21:7

Haipe Jesús mboirea haihuva heishu Pedro: Ñandeja rãnga! Simón Pedro henduma “Ñandeja rãnga” heivarã, mondejy mondevarã, opopy yy, shara nanitei'i.

Juan 4:14

tẽvã yy ameẽva houva, ju'uhe veamapokui. Shara ko yy she ameẽ verã, yy õhẽ'õ rãĩmipo'ẽkui pyape, meẽshu verã tykove opambava.

Hechos 13:52

Tẽvã Jesús mboireare vy'ajyre hareka tynyhẽ Espiritu Santo.

Hechos 16:25

Tẽvã pyhare mbytepe Pablo hareka Silas ñymboiñynoĩ retarã hareka pyraheshu reta Tũpa, haipe ĩrũ mbyperesoareare jasaka ñynoĩhe reta.

Hechos 2:46

Opa ara ñymbaty reta tũpaope, hareka henta retaipi hou reta Jesucristo karu ryheva, vy'ape hareka pyakavipe hou reta.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Hebreos 10:34

Pee pyparekomba opaite mbyperesohavare, hareka vy'ape pyma'ẽĩmbahe mburuvishare heky pyndyhevi pa'ãpovare, shara pikuaa kavipeĩ ĩmepyre mbai haikavivevarã hareka tantaveva.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

1 Pedro 1:8

Pee rãnga pyhaihu Jesucristo, pyheshambatẽvã. Hãrã pirojahe ajema ã'ẽ pyheshãã, hareka pyvy'aitetepeĩrã katuã opa pymbeu,