Juan 16:20 - NandevaBiblia

²⁰ Ãñete rãnga hai pee, pijaheopo hareka pyvy'ãpopi, kuaretare vyañynoĩ hairã. Pyvyambatẽvãra, pyvyamba vekua ikoposhikui vy'akue.

Juan 16:20 Iomraidhean Croise

Mateo 21:38

Heshama reta yvy ija tayrã, mba'apo iare hei: “Kovape rãnga opapo pytakui opa mbai, jajuka hãrãpo pyta ñandekui ko yvy”.

Mateo 5:4

Vy'apo reta ã'ẽ vyamba'iare, shara Tũpa meẽposhu mbypya kavi verã.

Marcos 14:72

Haipevaĩ uru mokueheama ñee. Hãma Pedro manduahe Jesús heishu vekua: “Ndeiteri uru mokue ñeerã, mbahapyjypo shiñomi reikui”. Pedro mandua hokavarerã õhẽ katuape, hareka haipe jaheo'i.

Marcos 16:10

Haivi oho mbykuaaka reta Jesús mi'ĩrũre vekuare, vyamba ñynoĩva hareka jaheo ñynoĩ.

Lucas 22:45

Pũãjyma jurure õĩvirã, ohojy mboireare ẽvãpe haipe hesha opa oche, vyamba japyraha retarã,

Lucas 22:62

Hãma Pedro õhẽ katoaperã, jypavete jaheo'i.

Lucas 23:27

Hetava kuaretare oho hipi hareka haire mbytepe heta taupere jaheo oho hipii hareka sapuke jyre, shara hasyiteshu retarã.

Lucas 24:17

Jesús pyrãndushu reta: Mbaivara pijetapeihe pehupi? Mbo'eareare opa ñymbou reta yvy kytyĩ maĩ jyre.

Lucas 24:21

Tẽvã ore hãrõãteshi tenta Israel opa jorajy verã; tẽvã ã'ẽ mbahapy aramajy kova mbai ikova.

Lucas 6:21

Pyvy'apo pee ã'ẽ pinimbahyva, pee pynyvãtahe verã rehe. Pyvy'apo pee ã'ẽ pijaheova, pee pupuka verã rehe.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 16:6

Tẽvã kova mbai ambeuperã pynymbyvy'ã.

Juan 20:20

Haipe mbyheshaka reta ipo hareka jiche kutua vekuape. Hãrã mboireare heshajyma Ñandeja Jesucristorã vy'aite jyre.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Romano 5:11

Hãrã Tũpa ñanymbyvy'ama jyve, katy ã'ẽ me'ẽã ñande ñaĩkavijy hãndiva Ñandeja Jesucristo rupii.

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

1 Tesalonicenses 1:6

Pee pikojyve ore ikohava rãĩmi hareka Ñandeja rãĩmi, Espiritu Santo meẽpeva vy'akue ryheve, ajemaĩ heta piko'asy.

Santiago 1:2

Shyryvyre pyvy'aĩpo opaĩ marãrãva pyarãã pyhasapeĩrã.

Judas 1:24

Tũpa ñyngarekopohe potãã mbai porãmbape pearã hareka ĩmerejy mbaikatu pẽĩ verã hai hỹnonde mbai porãmba mba'etypyrea ryheve. Vy'apepo pẽĩ hỹnondekui hareka kyambape, pente mondeava py'ahuva rãĩmi.

Apocalipsis 11:10

Opaite tentare horyĩpo jyrehe heshama manorã, haivi mondokapo ijupe reta ijopepy verã jukahava rehe, shara hoka mokue Tũpa ĩñee mbeu'iare kuaretare pevarã hai jyhasa'asy vasu porãmba.

Apocalipsis 18:7

Hai rãnga jyroja'ijehe hareka pya ohohe haikavivape iko verã; hãme ã'ẽ pymbyhasa'asyveshu hareka tijaheo. Shara hai pyape hei: “Kope avapy ãĩ huvisha vasu rãĩmi. Ha'ẽãshe ĩme manoshia hareka ahasa'asyãvãĩpojy”.