Juan 16:19 - NandevaBiblia

¹⁹ Jesús kuaa haire pota pyrãndu jyreshurã, heishu reta: She rãnga hai peeje vãhẽserima shyreshaveamapi verãpe, tẽvã kutymijyapepo shyreshapijykui. Haira hokava pypyrãndupi ijupe?

Juan 16:19 Iomraidhean Croise

Mateo 6:8

Avypo haire rãĩmipi, shara Peru ndei pirurerãvãĩ opa kuaa mbaivara mba'etype.

Mateo 9:4

Jesús kuaa mbaivara heijyre pyaperã, heishu reta: Marã'ĩrãra porã'ãĩte pypya pimbijeta?

Marcos 9:32

Tẽvã haire kuãã mbaivara he'ise hokava hai heiva, hareka kyje pyrãndushu reta.

Juan 13:33

Shyrayre, kỹvẽãmapo ãĩme'ãĩ pynymbytepe, shyrekapopikui, hãrã Judiore haishua rãĩmi ã'ẽ haijyvepe: Aha verãpe katuãpo peho.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Juan 16:16

Vãhẽserima, shyreshaveamapi verãpe, tẽvã kutymijyapepo shyreshapijykui. Shara she ahajypo Sheru ẽvãpe.

Juan 16:18

Mbaivara he'ise “Vãhẽserima”? Jaikũããny marã'ĩrãra kyrã hei ñande.

Juan 16:23

Hoka arape mbaiveamapo pypyrãndushekui, añetevape hai pee Sheru, meẽñoĩpopekui shyreepe pirureshuva.

Juan 16:26

Hoka arape pirureposhukui shyreepe; hãrã ha'eãpe airure pyndyrehe verã Sherupe,

Juan 16:30

Ã'ẽ kuaahama opa mba'e rikuaava, hareka rikotẽveã mbava mbai pyrãndu nde. Hãrã rojaha reiva Tũpaivi.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Juan 6:61

Jesús kuaa mboireare ijeta jyrehe ñee hei vekuarã, pyrãndushu reta: Ajetẽãra'ẽpe kova?

Juan 7:33

Haipe Jesús hei: Mbovy araĩmapo ãĩme'ãĩ pynymbytepe, haivi ahajypokui Tũpa shymbou vekua'õpe.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.