Juan 16:10 - NandevaBiblia

¹⁰ heshakaposhu reta mbaivara hai tykove kyambava hape, shara ahapo Sheru ẽvãpe, hãrã pee shyreshaveãmapokui;

Juan 16:10 Iomraidhean Croise

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 16:5

Tẽvã ã'ẽ ahajypo shymbou vekua ẽvãpe, hareka mba'ety pynymbytepe pyrãndusheva matyrapo aha.

Juan 3:14

Moisés mũpũãva rãĩmi yvy ikoambaipi mboi hã'ãnga bronceivi japoava, kyrãĩpo mũpũ'ãhã jyve kuareta Tay,

Juan 5:32

ĩme'ẽ yngava ijeta shyreheva, hareka aikuaa añeteva hai hei shyreheva.

Juan 7:33

Haipe Jesús hei: Mbovy araĩmapo ãĩme'ãĩ pynymbytepe, haivi ahajypokui Tũpa shymbou vekua'õpe.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 3:14

Tẽvã pee piñomi heko Kyambava hareka hekope kavi'ia, haivi hendakuepe pirure poiashi verã Barrabas, puruka'ia.

Hechos 7:52

Mbava Tũpa ĩñee mbeu'ia retara reko asyãshu arykai pynytynondeva reta? Haire opa juka, arykaivaĩ ijeta jyrehe heko kaviva ou verãre hareka ã'ẽ oumarã, pee pymbytavyshu hareka pijukashu.

Romano 1:17

Ñee kaviva rãnga ñanymboihe Tũpa mbyheko kaviva Jesús jyrojahea. Mbyparahava heiva rãĩmi: “Heko kaviva Tũpa jyrojaherã rupiipo iko”.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.