Juan 15:8 - NandevaBiblia

⁸ Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Juan 15:8 Iomraidhean Croise

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Mateo 5:44

Tẽvã she hai pee: Pyhaihu pyndyreshatamba'iare, pimboihe piniñono porãmba'iare;

Mateo 9:8

Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.

Lucas 6:35

Pee rãnga pyhaihupo pyndyresha tamba'iare, hareka pijapopo haikaviva; pyporyka mbaiva mba pyhãrõ myngoviajy pee verã. Kyrãrãpo hetave myngovia jy pee kui. Hãrã ikopo pyndy hevi Tũpa vateve'õ Tay; hai rãnga pya kavi hãndi pyrypareko mba hareka poshyva.

Juan 13:35

Pijyhaihurã, opaite kuaretare heshapo pyndyrehe, pee haiva she amboivare.

Juan 15:5

She hai uva jypy, hãrã pee hai hãkare. Hãrã ẽẽ shyreheva hareka she ãiheva rãĩmi, hetapo ia; shara shyrehembape mba'ẽãpo pijapo.

Juan 8:31

Jesús heishu Judio jyrojaheare: Pijapo katu shiñeerã, ãñeteĩtepo haipekui amboi'areare.

1 Corintios 10:31

Pykarurã, maĩrã pimbyurã, maĩrã mbai pijapovare, pijapo pemombaivasu verã Tũpa.

1 Corintios 6:20

Shara Tũpa hepyre pyndy'ova; hãme rãnga pemombaiposhu Tũpa pyndyretepe hareka pyndyrykovepe, hokava reta hai Tũpa ryheva.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Tito 2:10

Avypo manarõ, heshakapo jyrojahahea, opavare hykovere heshahe verã haikaviva pyrỹmbo'ehaheva Tũpa Ñanymondojepe'ia ryheva.

Tito 2:5

ñakavapy verã, heko kyamba verã, tingarekokavi hentape, pyakavipo reta hareka ĩmere ĩñeereĩpo iko reta, mbavamba ijeta porãmbahe verã Tũpa ĩñee.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.