Juan 15:26 - NandevaBiblia

²⁶ Tẽvã oupokui Sheru õĩvi pynymbypya kavi verã, hokava hai Espiritu Santo añeteva ryheva, hãrã hai ijeta kavipohekui Shyree.

Juan 15:26 Iomraidhean Croise

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:7

Tẽvã añeteva ambeupe, haikavivepo ahajyrã. She ahããrã ouãpo Pynymbypya kavi verã; tẽvã she aharã, amboupokui.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Hechos 1:4

Ikoteri jyre hãndi Apostol retarã, Jesús heishu reta, potambaa õhẽ verãre Jerusalenvi. Heishu reta: Pyhãrõ tikorãni Sheru ĩñee meẽ vekua, She ambeupeva rãĩmi.

Hechos 15:8

Tũpa rãnga opa kuaa ñandypyape ẽvãre, hai haihu jyveshu haimba Judiore, meẽ jyveshu haire pevarã Espiritu Santo meẽ ñandea rãĩmi.

Hechos 5:32

Ore kova mbai heshahavare hareka mbe'uhava, Espiritu Santo jyve Tũpa meẽva opaite ĩñee henduva hareka japova.

1 Corintios 1:6

Jesucristo ryheva ñee rãnga ñymypyrãtama'ẽ pyndyrykovepe.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;