Juan 15:25 - NandevaBiblia

²⁵ Tẽvã kyrã jehu shara ikoñoĩpo ñee mbyparahava haire jykuatiape'õ: “Shyreshatããrei jyre”.

Juan 15:25 Iomraidhean Croise

Mateo 10:8

Pymynguera ñymbairasyvare, pymbyhykovejy manovare, pijoheshu kuru porãmba'iare hareka mbaiposhyre pymohẽ. Pee rãnga mẽ'ẽhareiipe kova mbaikatu, hãrã piporyrã avy pekora ĩãrẽkui.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Juan 10:34

Haipe Jesús heishu reta: Ñee mbyparahava pyndykuatiape'ẽ Tũpa heirã vekua: Pee rãnga hai Tũpare!

Juan 13:18

Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Juan 19:36

Kova mbai jehu iko verã Mbyparahavapy'õ heiva: “Pente kãvẽĩmba my'õpẽhãshi verã”.

Romano 3:19

Jaikua rãnga ñee mbyparahava japoa verã haiva Judiore pevarã, shara haire ĩmere ñee mbyparahava japo verã, mbavamba heijy verã “ha'eã she mbai porãmba japo'ia”, opapaveĩ ñymbeu verãre mbai porãmba japovare Tũpa hỹnonde.

Romano 3:24

tẽvã Tũpa meẽ jyhaihukuepy mbaimbape ñanymbyheko kavi, mbyhepya ñandyrehe ñanynohẽajy verã Cristo Jesús japova rupii,

2 Corintios 11:7

Mbai porãmbara ajapo sheii añemomishĩĩ airã hareka Ñee kaviva Tũpa ña'ãpova ambeu jyvepe akorambape, pee vateve pẽĩ verã? Mba'ety rãnga.

Galatas 2:21

She katuã ambijiche Tũpa jyhaihukue, añete ñandyreko ky'ãã Tũpa hỹnonderã hareka Moisés mbypara vekua rupiirã, Cristo mano reitẽ verãmba.

2 Tesalonicenses 3:8

hareka mbavãã ho'uhareiishi pãhã mbyhepyambape. Kyrãtẽ verã, ara hareka pyharekue mba'apoha putu'uhambape, potãã mbava mbyhepy yryreherã.

Apocalipsis 21:6

Heijyshe: “Opama iko! She hai õñepyrõhea hareka opahea. Ju'uhe'ia, ameẽreiiposhu ñymbyupy verã yy õhẽ'õ tykove meẽva.

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.