Juan 15:21 - NandevaBiblia

²¹ Opaite kova mbai japoñoĩpo pyndyrehe reta she rehe, shara kuãã reta shymbou vekua.

Juan 15:21 Iomraidhean Croise

Mateo 10:18

Pyndyrahapo mburuvishare mbory'õre hỹnonde, hãrã pee pijetapo shyrehe, hareka opaite jyrojamba retape

Mateo 10:22

Kuaretare pyndyreshatããpo shimimboiperã, tẽvã ara japyapeve tãnta jyroja shyreheva, ohojepepokui.

Mateo 10:39

Hãrã hykove haihuva, hekyhaposhi, Shyrehe jyrojava hareka hykove haihumbava, hipitypo tykove opamba.

Mateo 24:9

Haivi pypysyapo pynymbyperesoa verã, hetapo jyvavareha pyndyrehe, pukahapo hareka opaiteva kuaretare pyndyreshatããpo shyryhevaperã.

Mateo 5:11

Pyvy'apo kuaretare hehei'iperã, pyhasa'asyrã, hareka shyree rupii heta mbai ãñetembaa he'ia pyndyreherã.

Marcos 13:13

Opavaretapo pyndyreshatããkui shyryhevaperã, tẽvã tãtangãtu'õ japyapeve, hokavapo oho jepekui.

Lucas 21:12

Tẽvã ndei kova ikorã pypysyapo, hareka pynymoñahãpo, pynymbyperesoa verã hareka pinimĩjeha verã Judiore ñymbatyseape huvisha vasure hareka huvisha vasu mbory'õre hỹnonde, shyree rehe.

Lucas 21:17

Opaite yvy jerekueipi pyndyreshatããpo shimimboiperã rehe.

Lucas 6:22

Pyvy'apo pee kuaretare pyreshatã, hareka pimi'iruseãrã, ĩñee poshy peerã hãrã mba'erãvea japo pyndyree mbai porãmbava rãĩmi kuareta Tay pyhaihurã rehe.

Juan 15:24

She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.

Juan 16:3

Haire kyrãpo japo, shara shykũãã reta hareka jyve Sheru.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 8:19

Hãrã pyrãndushu reta: Maperã ĩme'ẽ nderu? Jesús heishu reta: Pee shykuããpi, hãrã pikuãã Sheru. Shykuapirã pikuatẽ verã jyve Sheru.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Juan 8:55

Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.

Hechos 17:23

Shara pemombai vasuvaipi ahasarã hareka amaĩrã, ahesha pente altarpe pente ñee mbyparahava heiva: “Pente Tũpa kuaambava”. Hoka pikuambava pemombai vasu pyreva, hai rãnga ambeupe.

Hechos 26:9

Sheave rãnga heta añehãã amby'opa verã Jesús nazareno jyrojaheare.

Hechos 3:17

Hãrã ã'ẽ shyryvyre, aikua kova pee jyve punduruvishare mbai porãmba pijapohe pikuaa kavimbape.

Hechos 4:17

Tẽvã, ã'ẽ japysypo reta poima mbeu verãre, ñamyngyjepo reta ỹnteñoma ijeta verãre Jesús heepe.

Hechos 5:41

Hãrã Apostolre opajy õhẽ mburuvishare ñymbatyseaivi vy'ape, shara Tũpa ñonoshu reta kyrã hasa'asy verã Jesús heepe.

Hechos 9:14

Hãma ã'ẽ vãhẽ ou kope pai juhuvishare kyrã heishurã, raha mbyperesoka verã opaite ndyree heno'iare.

Hechos 9:16

She ambyheshakapo heta hasa'asy verã shyreepe jyrojarã.

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

1 Corintios 15:34

Pymaĩ kavipẽĩ hareka avy pijapo mbai porãmbava, shara ĩme'ẽ pymbytepe Tũpa kuaamba'eiteva, kyrã hai pee kova mbai apyrỹmymarãka verã.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

2 Tesalonicenses 1:8

jahehe verã Tũpa kuaamba retape hareka Ñee Kavivape'õ japomba Ñandeja Jesús ryheva.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.

3 Juan 1:7

Shara haire õhẽ mbeu verã Jesucristo hee, hareka hekyãshi reta maĩnunga Tũpare jyrojambare.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.