Juan 15:2 - NandevaBiblia

² Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Juan 15:2 Iomraidhean Croise

Mateo 13:12

Hãrã mbai ĩmereva, me'ẽãveposhu hareka hembyposhu; tẽvã mbai mba'etyreva, hekyaveposhi, mĩshĩĩ ĩmerevaivi.

Mateo 13:33

Jesús mbeuve jyshu reta yngaa ñee ñymyhã'ãngarã hei: “Huvisha vasu vate arapy'õ rãnga ova kova pãhã mby'ouapya taupe mbihiava 21 kilo harina opa mby'oupeve”.

Mateo 15:13

Jesús heishu reta: Opaite yvyra Sheru ñotỹmba po'oapokui hapoivive.

Mateo 21:19

Hãrã hesha pente igo jypy pe hỹmbeype'õ, ñymbojaherã mba'ẽã heshapy; koñeĩ hokykuerei. Haipe Jesús heishu igo jypy: Ynteñomapo ndi'iakui! Haipevãĩ igo jypy opa jipi.

Mateo 25:29

Hoka ĩmereva, me'ẽãveposhu hareka hembypojyshu; tẽvã hoka mba'etyrea, hekyaveposhi mishĩĩ ĩmerevaivi.

Mateo 3:10

Shara hasha ẽma jasyja verã yvyra jypyre; opaite yvyra ia porãmbava jasyjahapo hareka momboha verã tatape.

Mateo 3:12

Ũrũpe ipopemare trigo mbova verã, hãrã yngaipo ñonoshi ky'akue, ñono kavipo oo'ipe trigo hãỹ, tẽvã ky'akue hapypo tata ovembape.

Mateo 7:19

Hãrã opaiteva yvyra ia porãmbava, jasyjaha hareka momboha tatape.

Marcos 4:20

Tẽvã ĩme'ẽjy yvy kaviape oava: Hokava reta hai hendu Tũpa ĩñeerã pysykaviva, hãrã ia 30, ĩrũ 60 hareka 100 kavi ia.

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Juan 15:1

She hai uva jypy añeteva, hãrã Sheru hai ñyngareko'ẽhea.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:3

Pee rãnga pykyaveama, ko ñee ambeupe vekua rupii.

Juan 15:6

Hãrã ẽmba shyreheva, mombohapo hãka jipiva rãĩmi, mbatyha momboha verã tatape.

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Romano 11:17

Hokava olivoivi, hai Judiore, ã'ãmo hãkãre jasyjaha hareka minjehahe olivo ñanaipi'õ, nde hai hokava haimba Judiova. Hãme rãnga hapopeve rẽĩhe, tykove meẽshua olivo.

Romano 11:22

Maĩhe, Tũpa pyakavi tẽvã katu poshy jyve. Pya poshy hãndi opaite oa vekuare hareka pyakavi nendie. Tẽvã rikoã hai potava rãĩmirã, nde ndijasyjahapo jyve.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 12:15

Piñyhãã avy mbava hipityããkui Tũpa pyakavikue, mahẽ mbava ovakui pente yvyra hapo irova hareka opavape myporããkui.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

Apocalipsis 3:19

She rãnga ãĩngãtashu hareka anupa opaite ahaihuvare. Hãrã ñymykyrẽy hareka eijy Tũpa jykoty.