Juan 15:15 - NandevaBiblia

¹⁵ She apyrỹmbyheeveamapo “jokueharea”, shara jokueharea kuãã hai jokue'õ japova. She apyrỹmbyhee “shi'ĩrũre”, shara opa ambeupe Sheru heishe vekuare.

Juan 15:15 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Lucas 10:23

Haipe Jesús maĩhe mboirea retarã heishu hã'ẽĩ ẽvape: Vy'apo kuareta heshava, kova mbai pyhesha pẽĩva.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 13:16

Ãñete hai pee, katuã jokueharea vateve'ẽshi jokuerea, hareka katuã mondohava vateve'ẽshi mondokava.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Juan 16:12

Heta ĩme'are hai pee verã, tẽvã ã'ẽ katũãpo opa pikuaa.

Juan 17:26

She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

Juan 20:17

Jesús heishu: Avy poko shyrehe, shara nde'iave ajupijy Sheru ẽvãpe. Tẽvã ekua mbeushu shyryvyre, ajupijy verã Sheru ẽvãpe, hai jyve Peru. Hokava hai shu Tũpa hareka jyve punu Tũpa.

Juan 4:19

Hokava taupe hendurã heishu: Sheja, hainymbashe nde haiva Tũpa ĩñee mbeu'ia.

Juan 8:26

Heta mba'e rãnga ĩme'are hai pyndyrehe verã, hareka ahesha pyndyrehe heta mba'e porãã piniñonorã, shymbou vekuany añetevaĩ hei, hãrã she ambeushu kuaretare, hai ĩñee ãhendushi vekua.

Hechos 20:27

shara opama ambeupe Tũpa potava, mbaimba añomivape.

Romano 7:15

She rãnga aikuãã ajapova, shara ajapoã potatẽ ajapova, aheshatamba vekuaĩ ajapojy.

1 Corintios 2:16

Kuatia mbyparahavape heiva rãĩmi: Mbavara kuaa Tũpa ñakapy'õva? Mbavara katu mboishu? Tẽvã ñande ĩmejare Espiritu Tũpaivi ouva, hãme rãnga Cristo rãĩmi ñandypya ñambijeta jyve.

Galatas 4:6

Hãrã haima ñande tayrã, Tũpa ñonomba Tay jy Espiritu ñandypyape, hoka Espiritu sapukerã hei: “Abba” he'iseva “Sheru!”

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

Colosenses 1:26

he'iseva, mbai ñemiape'õ heta ara hareka aryka'eitevaĩ Tũpa ñomirea, tẽvã ã'ẽ kuaakashu henta ĩrũ ryheva kyamba.

Filemon 1:16

Koñeĩ ã'ẽ haiveãma pente jokuehareireva rãĩmi ryre verã, ndyryvy ryhaihuva rãĩmimapo, haikavive kyrã. She ahaihu, tẽvã nde ryhaihuitevepo, ha'ẽã kuaretare rãĩmi rĩmoña hãndiva rãĩmipo Ñandeja rehe.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

Santiago 2:23

Kyrãmba iko arykai Mbyparahava heiva rãĩmi: “Abraham roja Tũpa, hareka Tũpa heimbashu heko kaviva”. Abraham he'iambashu Tũpa ñi'ĩrũ.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,