Juan 15:10 - NandevaBiblia

¹⁰ Pijapo she haivarã, pikopo jyve jyhaihu ĩme'arevape, Sheru heiva opa ajaposhurã aiko jyhaihukue hai ĩmerevape.

Juan 15:10 Iomraidhean Croise

Juan 10:18

Mba'ety heky shyheviva shykove, koñeĩ sheii ameẽjy. Shara ĩme'are mbaikatu ameẽ verã hareka apysyjy verã. Kova hai ñeẽ japoa verã amyvãhẽva she ruivi.

Juan 12:49

She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 14:15

Shyraihupirã, pynatupo she haipeva.

Juan 14:21

Henduva hareka japova she haiva, hokava hai ãñete shyraihuva, shyraihuva Sheru haihupo jyveshu, hãrã she ahaihupo jyve, hãmã aheshakaposhu marãvara she.

Juan 14:23

Jesús heishu: Shyraihuva japopokui she haiva, hãrã Sheru haihuposhu, Sheru hareka She ouhapo ikoha hãndi.

Juan 14:31

tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 17:4

She rãnga arỹmbyvetema ko yvy'iãrẽ hareka opa ajapo nde rỹmeẽ she vekua ajapo verã.

Juan 4:34

Jesús heishu reta: Shĩmbiu hai ajaposhu shymbou vekua potava, hareka opa ajaposhu verã hai heiva.

Juan 8:29

Shara shymbou vekua ĩme'ẽ shendie; Sheru shyrejãã shẽĩ, shara ajapoñoĩshu hai potava.

Juan 8:55

Tẽvã pee pikuããshu, tẽvã she aikuaashu; hãrã she hai aikuambashuarã, shapupo jyve pee rãĩmi. Tẽvã aikuaa kavishu, hareka ajapo hai ĩñee.

1 Corintios 7:19

Pire chĩchĩãva mba'ẽã rãnga; hareka kyrãĩjy chĩchĩãmba mba'ẽãjy, koñeĩ haikavive jajapo ñeẽ japoa verã Tũpa ña'ãpova.

1 Tesalonicenses 4:1

Ã'ẽ, shyryvyre jurureha hareka pymykyrẽ'ỹha Ñandeja Jesús heepe; pupuãve pekua opa ara teko haikavivape pikuava rãĩmi, pymbyvya verã Tũpa, pijapoma pẽĩva rãĩmi.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

2 Pedro 2:21

Haikavivete verã haire kuãã tape symyĩva hareka mahẽ kuama retarã syryshi ñee japoa verã kyambava me'ẽãshu vekuare.

1 Juan 2:3

Haereka ñande jajapo Tũpa potavarã, katuma opa jajapo, shara jaikuaa kavi jaikuama jareshua.

1 Juan 2:5

Tẽvã ĩme'ẽ japoshuva hai potavarã, añeteĩte pya mynỹhe Tũpa jyhaihukue; kyrãvape ñande jaikuaa ñañymypentema hãndiva.

1 Juan 2:6

Heiva Tũpareĩ'ẽvã, ikopo jyve Jesucristo iko vekua rãĩmi.

1 Juan 5:3

Jahaihu Tũpa he'ise jajaposhu hai potava; hareka hai potava ha'ẽã javaii jajapova.

Apocalipsis 22:14

Vy'apo mondeva joheñoĩvare, shara hipitypo yvyra'ia tykove opamba meẽva, hareka iche verã tenta hõcheipi.