Juan 15:1 - NandevaBiblia

¹ She hai uva jypy añeteva, hãrã Sheru hai ñyngareko'ẽhea.

Juan 15:1 Iomraidhean Croise

Mateo 15:13

Jesús heishu reta: Opaite yvyra Sheru ñotỹmba po'oapokui hapoivive.

Mateo 20:1

Huvisha vasu vate arapy'õ, ova koo ija õhẽva kõ'ẽĩ heka mba'aposhu verã ju'uva rẽndape.

Mateo 21:33

Pyhendu jyve ko ñee ñymyhã'ãnga: Pente kuimbai ñotyka uva jy'yvype; opama mangorarã, japokajyshu uva ñamĩã verãpe. Mupũãjy pente oo vate'õ, haipe ẽẽ verã mãĩ'õ hareka ñyngarekohe verã jy'yvy. Haivi porykashu ju'uva rẽnda hepyre ñimĩty'ia retaperã, mbyry oho.

Marcos 12:1

Jesús ijetashu reta ñee ñymyhã'ãnga rupiirã hei: Pente kuimbai ñoty uva jy'yvype, opa mangora; haivi japokajyshu uva ñamihã'ẽ verãpe. Mũpũãjy pente oo vate'õ, haivi ñyngareko hareka maĩ'ẽhe verã. Haivi hepyre porykashu ju'uva rẽnda mba'apo'ia retarã, oho mbyry.

Lucas 13:6

Heijy ko ñee ñymyhã'ãnga: Pente kuimbai ĩmere pente jypy igo ju'uva rẽndape. Hãrã oho maĩpy'iarã tẽvã mba'ẽã heshããpy.

Juan 1:17

Shara Tũpa meẽ ñee mbyparahava Moisés rupii, tẽvã jyhaihukue hareka mbai añeteva vãhẽ Jesucristo rupii.

Juan 1:9

Hãrã ko sapeva añeteĩteva, oumba ko yvy'ĩãrẽ sapehe verã kuaretare.

Juan 15:2

Hãrã pente hãka i'ãrã, jasyjashi; tẽvã iarã jasysyja hareka opa johe, hetave ia verã.

Juan 6:32

Jesús heishu reta: Ãñeteĩte haijype, ha'ẽã rãnga Moisés meẽpeva pãhã vate araivi ouva. Sheruteiva rãnga meẽpe pãhã añeteva vate arapy'õ!

Juan 6:55

Shyroo hai ho'uava añeteva, hãrã shuruvy hai mbusururua verã añeteva.

Romano 11:17

Hokava olivoivi, hai Judiore, ã'ãmo hãkãre jasyjaha hareka minjehahe olivo ñanaipi'õ, nde hai hokava haimba Judiova. Hãme rãnga hapopeve rẽĩhe, tykove meẽshua olivo.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

1 Juan 2:8

Katynga kova ambyparapeva pente ñeẽ japoha verã hai py'ahuva, hokava hai añeteva Cristore hareka pyndyrehe jyve, shara timimbi vekua hasama oho'irã, hareka sapeva añeteva mykõĩma'ẽ.