Juan 14:31 - NandevaBiblia

³¹ tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 14:31 Iomraidhean Croise

Mateo 26:39

Hãrã Jesús ohoposhy tynonderã, ĩñesu hova mbojapeve yvyre, hareka jurureshu Tũpa: Sheru, katuãra rỹmbyhasa shyhevi ko ñymbasykue. Tẽvã avy tiko she aipotava, koñeĩ tiko nde ripota.

Mateo 26:46

Pupũ'ã, jahajyvy, shara ouma shymeẽ verã.

Lucas 12:50

Tẽvã ahasapo jyhasa'asy rupii, ñymyngaraiva rãĩmi; hareka ajepy'apytẽ hãrã aipotama hokava iko!

Juan 10:18

Mba'ety heky shyheviva shykove, koñeĩ sheii ameẽjy. Shara ĩme'are mbaikatu ameẽ verã hareka apysyjy verã. Kova hai ñeẽ japoa verã amyvãhẽva she ruivi.

Juan 12:27

Ã'ẽ ajepy'apy ãĩ. Mbaivarapo ha'e? Hairapo: “Sheru mbyhasa shyhevi ko jepy'apy porãmba”? Tẽvã ha'ẽrãveara ai ajapo verã Sheru potava.

Juan 12:49

She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 15:9

Sheru shyraihuva rãĩmi, apyryhaihu jyve, hãme pikopo jyve jyhaihu ĩme'arevape.

Juan 18:11

Jesús heishu Pedro: Ñoñajy ndykyse puku hyrupe. Ryrojãra ãĩme'ãĩva ahasa'asy verã Sheru heisheva rãĩmi?

Juan 4:34

Jesús heishu reta: Shĩmbiu hai ajaposhu shymbou vekua potava, hareka opa ajaposhu verã hai heiva.

Filipenses 2:8

Hãrã ikoma kuareta rãĩmirã jyrojaã ijehe, ĩñee rẽndu manopeve, hai mano kurusure!