14 She ajapoñoĩpo maĩnunga shyreepe pirureva.
Hãrã opaite maĩnunga shyreepe pirureva ameẽpope; Teru mbyvetehashu verã Tyray rupii.
Hãrã airureposhukui Sheru mboupe verã, pente pynymbory verã hokava hai Espiritu Santo opa ara pinimi'ĩrũ verã.
Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.
Hoka arape mbaiveamapo pypyrãndushekui, añetevape hai pee Sheru, meẽñoĩpopekui shyreepe pirureshuva.
Ã'ẽpeve mba'ẽãteri pirure shyreepe; pirure hãma mẽ'ẽãpope pynytynyhẽ verã vy'akue.
Shyrorykue ameẽñoĩ pyndyrehe Tũpape, shara Jesucristo rupii maĩkavi pyndyrehe.
