Juan 14:10 - NandevaBiblia

¹⁰ Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Juan 14:10 Iomraidhean Croise

Juan 10:30

Teru hareka She, penteĩ'õĩhã.

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 11:26

Hãrã opaite hykove teri'iare jyroja shyreheva, opa ara pevarãpo mano. Ndera ryroja kova mbai?

Juan 12:49

She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 14:11

Shyroja rãngapopi Sheru hãndi pentevãĩ orerã, hareka Sheru shypyape'ẽvã, kova pyrojãarã opava maĩnunga ajapo vekuaĩ pyroja.

Juan 14:20

Hoka arape pikuaapokui Sheru hãndi pentevãĩ orevarã, hareka pikova shypyape hareka she aikova pyndypyape.

Juan 14:24

Tẽvã shyraihumba, japoã she haiva. Hãrã pee pyhendupẽĩva ko ñee ha'ẽã shiñee, Sheru shymbou vekua ĩñee rãnga.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 3:2

Pente pyhare oho Jesús ẽvãperã heishu: Pyrỹmboi'ia, kuaaha rãnga Tũpateiva nymbou ỹrỹmboi verãrã, heshara mba'ety katu japova ko mbaikavi heshaha verã nde rijapova, Tũpa ẽã hãndirã.

Juan 5:17

Tẽvã Jesús heishu reta: Sheru rãnga mba'apoñõĩ hai ã'ẽpeve, hãrã she amba'apoñoĩ jyve.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 7:16

Jesús heishu reta: Kova ñee apyrỹmboihea ha'ẽã sha'ãpova. Tũpa ña'ãpova rãnga, shymbou vekua.

Juan 8:28

Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.

Juan 8:38

She ambeupe opa mbai Sheru shymbyheshaka vekua; tẽvã pee pijapo jyve peru pyhendushi vekua.

Juan 8:40

Tẽvã pota shukapi, ambeupe ñee añeteva Tũpa shymboihe vekuarã. Tẽvã Abraham mapeãmba kyrã japo aryka'e.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

2 Corintios 5:19

Kova he'ise, Cristo rehe, Tũpa iñonojy kavi hãndi kuaretare, manduambaheva mbai porãmba kuaretare japo vekua; hãrã meẽ ore ñee pirĩñonojy kaviva ryheva.

Colosenses 1:19

Shara Tũpa mbyvyamba opaite ñymbaikatukue Cristo ẽẽherã.

Colosenses 2:9

Shara opaite Tũpa heko ẽẽhe Cristo hykove hareka hetere,

1 Juan 5:7

Mbahapy rãnga'ẽ kuaakava kova mbai vate arape: Teru, Ñee hareka Espiritu Santo; hareka kova mbahapy'õre hai pentevãĩ.