Juan 13:18 - NandevaBiblia

¹⁸ Ha'ẽã opaĩ aijeta'ãĩ pyndyreheva; shara she aikuaa mbava retara apyhỹrõ. Tẽvã ikoñõĩpo Mbyparahavapy'õ heiva: “Karu'ẽ shendieva, ñymbyvaisho shyrehe”.

Juan 13:18 Iomraidhean Croise

Mateo 10:36

Hãrã pynyrẽnta'ĩrũ retaipo opa pyndyreshatãã.

Mateo 26:21

Hãrã ocena ñynõĩrã Jesús heishu reta: Ãñete hai pee, pente peeva shymeẽpokui.

Mateo 26:23

Hãrã Jesús heishu reta: Pãhã mãkỹ shendieva hareka mbypy'ẽvã peratupy, hai kova shymeẽ verã.

Marcos 14:17

Pỹntuma'irã, Jesús hareka mboirea 12 iare vãhẽ oho hãndi haipe.

Marcos 14:18

Haipe mesape karuma ñynoĩrã Jesús heishu reta: Ãñeteĩte hai pee, pente pynymbytepe'õ, akaru'ãĩ hãndiva shymeẽpokui.

Marcos 14:20

Jesús heishu reta: Pente 12 pẽiva, peratupe pãhã ãmaky'ãĩ hãndiva.

Lucas 22:21

Tẽvã shymeẽ verã, kope vapy'ẽjyve shendie mesape.

Juan 13:21

Kova opa heirã, Jesús ñandu pyape vyambavarã hei: Ãñete hai pee, pente pynymbyte'õpo shypysykakui.

Juan 13:22

Haipe mboireare opa mãĩ ijehe, shara kuãã reta mbavara Jesús hei'ẽhe.

Juan 13:26

Jesús heishu: Ãmãkypo kova pãhã pysẽvẽ, hãrã ameẽshua haipokui hokava. Haivi mãky pãhã pysẽverã meẽshu Judas Iscariote, Simón tay.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 15:19

Pee haijyve, kuareta yvy'ĩãrẽ'iare Tũpa jyrojambahea ryhevarã pyndyraihupo jyve, haire jyhaihuva rãĩmi. Tẽvã she apyrỹpyhyrõma yvy'ĩãrẽ'õ retaivi, hãme rãnga kuaretare pyndyreshatãã, shara pikoveama haire ikova rãĩmi.

Juan 15:25

Tẽvã kyrã jehu shara ikoñoĩpo ñee mbyparahava haire jykuatiape'õ: “Shyreshatããrei jyre”.

Juan 17:12

She ãĩme'ãĩ hãndi reta ko yvy'ĩãrẽrã, ãĩngarekohe ndyreepe rỹmeẽ she vekuare, hareka ãingarekohe reta. Hãrã mba'ety hairetava kañy shyheviva, koñeĩ pente kañy, hekope kavi iko verã mbyparahavapy'õ heiva.

Juan 18:32

Kyrã iko Jesús hei vekua marãrapo hai manokui.

Juan 19:24

hãrã syndarore hei ijupe reta: Avy ñamyndoro, haikavivepo jaivareherã mbarapo raha. Kyrã iko hoka Mbyparahavapy'õ heiva: “Amonde vekua ñimbijaohe reta, ajasoiva jyvarehe reta mbarapo raha”. Kyrã katĩ japo reta syndarore.

Juan 19:36

Kova mbai jehu iko verã Mbyparahavapy'õ heiva: “Pente kãvẽĩmba my'õpẽhãshi verã”.

Juan 21:17

Haipe mbahapyhea Jesús pyrãndujyshu: Simón, Jonas tay, ndera shyraihu? Pedro mbyvy'ã, mbahapyitema pyrãndushurã. Hãrã hei: Sheja nde rãnga opa mba'e rikuaa. Rikuaa kavi she aryraihuva. Haivi Jesús heishu: Ñyngarekohekui shy'avishare.

Juan 6:70

Jesús heishu: Sheeãra apyrỹpyhỹrõ 12 pẽĩva? Kyrãtẽva pynymbytepe'ẽ pente Añarã'ia.

Hechos 1:16

Shyryvyre, ikoñoĩpo mbypara vekua Espiritu Santo heiheva rãĩmi Judas, David heiva rupii, haiteiva tynonde oho verã Jesús pysyka verã.

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

Hebreos 4:13

Hãrã mba'ety Tũpa japo vekua kañyshi verã; shara Tũpa opa kavipo hesha hareka mbava hỹnonderãpo opa ñambeukui jajapo vekuare.

Apocalipsis 2:23

Hãrã membyre opapo ajukashi. Hãrãpo opaite tũpaore shykuamakui opaĩ aikuava tankapy'õre hareka typyare, hareka amyngoviaposhu reta pepenteĩ japo vekua rehe.