Juan 13:1 - NandevaBiblia

¹ Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 13:1 Iomraidhean Croise

Mateo 26:45

Haivi Jesús oujy mboireare'õperã heishu reta: Ã'ẽ katuma peche hareka puputu'u. Vãhẽma ora, kuareta Tay mẽ'ẽhã verã mbai porãmba japo'iare ipope.

Mateo 28:20

Hãrã pymboishu opaite tijapo reta she hai pee vekua. Pikuaapo she ãĩmẽpo penendie opa arape ko yvy opapeve. Amén.

Lucas 22:53

Opa ara rãnga tũpao pe aiko'ai pynymbyteipi, mba'ẽã pijapo shyrehe. Tẽvã kova hai'ora pee pã'ãpova, ora mbaikatu timimbipyva.

Lucas 9:51

Hãma vãhẽserima vate arapy hupiajy verãrã, Jesús hei oho verã Jerusalénpe.

Juan 11:55

Vãhẽserima arete Pascua verãpe Judiore jy'arete, heta kuaretare oho Jerusalenpe ñymypõti'ẽ verã areterã.

Juan 12:23

Jesús heishu reta: Vãhema ora kuareta Tay õmomba'eha verã.

Juan 13:29

Judas rãngamba kyrypoti hyru ñyngareko'ihea, hãrã ĩme'ẽ mõãte Jesús heishua oho ova verã mba'etyshuare Pascua pevarã, maĩrã, mẽmeẽshu verã maĩnunga pavetevare.

Juan 13:3

Jesús kuaa opa mba'e Tuu ñono ipoperã, hai kuaa Tũpa ẽvãivi ourã hareka ohojy verã Tũpa ẽvãpe.

Juan 13:34

Ahejape kova ñeẽ japoha verã py'ahuva: Pijyhaihupo. She apyryhaihuva rãĩmi, hãrã kyrãmipo pyhaihu jyve pepenteĩ yngavare.

Juan 14:28

Pyhenduma rãnga hai'ãipeva ahajypo, tẽvã aijypo aiko penendiekui. Pee ãñete shyraihurã pyvy'aĩtẽ verã, shara pikuama ahajypo Sheru ẽvãperã mbaivasuve shyheviva.

Juan 14:31

tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Juan 17:16

She ha'ẽã ko yvy'ĩãrẽ'õ, hãrã haire ha'e ãĩ jyve yvy'ĩãrẽ'õ.

Juan 17:26

She aikuaakashu reta mbavara nde, hareka aikuaakave teriposhu reta, jyhaihu ĩmeryre shyreva ẽhe verãre, hareka she hai retare ãĩjyve.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 18:4

Jesús opama kuaa mbaivara ikopoherã, õhẽ hỹnonderã pyrãndushu: Mbavara pyhekapi?

Juan 19:28

Kova mbai opamarã, Jesús kuaama opa maĩnunga vãhẽma japyaperã, hareka iko verã Mbyparahavapy'õ heivarã, hei: Shu'uhe.

Juan 2:13

Vãhẽserima Pascua Judiore jy'areterã, Jesús oho tenta Jerusalenpe.

Juan 6:4

Vãhẽserima Pascua verãpe, Judiore jy'arete.

Juan 7:30

Haivi pota pysykajyre; tẽvã mba'ety pysyva shara ndeiteri vãhẽ jy'ara.

Juan 7:6

Hãma Jesús heishu reta: Ndeiteri vãhẽ shy'ara, tẽvã pee pevarã ĩmerãẽã ara haikavipe.

Juan 8:20

Kyrã Jesús ñimiñee tũpaope, Tũpape mẽ'ẽãva kyrypoti hyru hyvache. Tẽvã mbavẽã raha mbypereso, shara vãhẽãteri jy'ara.

Romano 8:37

Opa mbaipe mba'ety jepy ñandyreheva, Jesucristo rupii ñandyraihu vekua.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Hebreos 6:11

Ore potaha pyheshakañoĩ pyraha hokava kyrẽ'ỹkue ĩmepyreva opapeve, opaite ikopeve pyhãrõ peĩvape.

1 Pedro 1:13

Hãme rãnga pyhãrõpo, pyny'ãrãndupo hareka pyharõkuaapo, mbai haikavivare Tũpa meẽpope Jesucristo ijeshakamarã.

1 Juan 4:19

Ñande rãnga jahaihu Tũpa, shara tynonde hai ñandyraihu.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,