Juan 12:49 - NandevaBiblia

⁴⁹ She shijuhuvireĩã aijeta, Sheru shymbou vekua meẽshe ñeẽ japoa verã haipo apyrỹmboihe.

Juan 12:49 Iomraidhean Croise

Juan 14:10

Ryrojããra Sheru hãndi pentevãĩ orerãme? Kova haipeva ha'ẽã shijuhuvirei haiva, Sheru iko'i shypyapeva rãnga japo.

Juan 14:24

Tẽvã shyraihumba, japoã she haiva. Hãrã pee pyhendupẽĩva ko ñee ha'ẽã shiñee, Sheru shymbou vekua ĩñee rãnga.

Juan 14:31

tẽvã kyrãñoĩpo jehu kuaretare kuaa verã jyve she ahaihushuva Sheru, hareka ajaposhu hai heisheva. Pupũa, jaha koivi!

Juan 15:15

She apyrỹmbyheeveamapo “jokueharea”, shara jokueharea kuãã hai jokue'õ japova. She apyrỹmbyhee “shi'ĩrũre”, shara opa ambeupe Sheru heishe vekuare.

Juan 17:8

she ambeushu reta niñee rikuaakashe vekua, hãrã haire roja. Kuaama reta ãñetẽĩte ndyhevi aiva, hareka roja reta nde shymbouva.

Juan 3:11

Ãñeteĩte hai nde, ore mbe'uha kuaahava, hareka kuaahakape ore hashahava; tẽvã pee pyrojãã mbe'uhapea.

Juan 3:32

Hai mbeu heshava hareka hendu vekua; tẽvã mba'ety rojava.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 5:30

She, shijuhuvii katuãã mbai ajapo. She ajahe pyryrehe Tũpa heisheva rãĩmi, hareka hekope kavipo ajahe pyndyrehe, shara ajapoã she aipotava; koñeĩ Sheru shymbou vekua potavãĩ ajapo.

Juan 6:68

Hãrã Simón Pedro heishu Jesús: Yreja, akuarã mbavarapo ohoajy hipi? Niñee rãnga hai meẽva tykove opambava.

Juan 7:16

Jesús heishu reta: Kova ñee apyrỹmboihea ha'ẽã sha'ãpova. Tũpa ña'ãpova rãnga, shymbou vekua.

Juan 8:26

Heta mba'e rãnga ĩme'are hai pyndyrehe verã, hareka ahesha pyndyrehe heta mba'e porãã piniñonorã, shymbou vekuany añetevaĩ hei, hãrã she ambeushu kuaretare, hai ĩñee ãhendushi vekua.

Juan 8:28

Hãrã Jesús heishu reta: She, Kuareta tay rãĩmi ai vekua ko yvy'ĩãrẽ shiñonomapi kurusurerã, pikuaapokui “She haiñoĩvarã”, hareka she ajapoã maĩnunga shijuhuvi; kõñeĩ ambeu Sheru shymboihe vekua.

Juan 8:42

Jesús heishu reta: Tũpa ãñete hai Perurã, shyraihutẽpi verã; shara Tũpaivi ai, hãrã kope ãime'ãĩ. Aĩã shijuhuvii, Tũpa rãnga shymbou.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,