45 Hãrã shyreshava, heshajyve shymbou vekua.
Isaias kyrã mbypara shara tynonde hesha Jesús hĩmbipekue, hãrã kyrã ijetahe.
She aĩã ajapo mbaikavi heshaha verã haire mbyteperã, mba'etytẽre verãre mbai porãmbava hareka mbavamba katu japova. Hãrã haire ajemaĩ heshatẽ reta kova mbai, tẽvã shyreshatãã jyre hareka jyve Sheru.
Sheru potava rãngajy kova; opaite mãĩ jykotyva Tay, hareka jyrojahea hipity verã tykove opambava; hareka amynguerajyposhukui ara japyape.
Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.
Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.
Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,
Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.
