Juan 12:41 - NandevaBiblia

⁴¹ Isaias kyrã mbypara shara tynonde hesha Jesús hĩmbipekue, hãrã kyrã ijetahe.

Juan 12:41 Iomraidhean Croise

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 5:39

Pee rãnga piñymbo'eka kavihe Tũpa ĩñee kuatiape'õ, shara pimoãtẽ pyheshapy tykove opambavarã, ajemaĩ Ñee mbyparahava ijetatẽ shyreheva,

Hechos 10:43

Opaite Tũpa ĩñee mbeu'iare ijetahe Jesús hareka hei reta jyrojaheva hai heepe mbai porãmba japo vekua hejareiiposhi reta.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.