Juan 12:40 - NandevaBiblia

⁴⁰ Tũpa opa mỹhãvẽshi hesare hareka pya mytãtashi reta. Potãã hesha retarã hareka kuaa reta pyaperã, jyroja shyreherã oujy shykotyrã, hareka amynguera verãre.

Juan 12:40 Iomraidhean Croise

Mateo 15:14

Pyma'ẽihe hai reta rãnga heshamba kũvãipiare, ĩrũ heshamba kũvaipiare raharea. Hãrã pente heshamba kũvãĩpia rahare ĩrũ heshamba kũvaipiarã, mokue ryheveãrapo oa yvykuape.

Marcos 4:12

maĩtẽ jyreare tẽvã heshãã, hendutẽvare kuãã, potãã Tũpa kyty oujy retarã hai hejareiishi verã mbai porãmba japo vekuare.

Marcos 6:52

Shara ĩmeĩteri kuãã reta mbaivara he'ise Jesús pãhã mbyhetarã vẽkua, shara mbai rojãã reta.

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Lucas 8:10

Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

Juan 12:39

Hãrã kuaretare katuã roja, shara Isaias kyrã mbyparajy:

Juan 9:39

Haivi Jesús heishu: She ai, ko yvy'ĩãrẽ kuaretare hesha ijehe verã mbai porãmba japo vekua; heshamba kũvãipiare heshajy verã, hareka hesha'iare heshaveama verã kũvãĩpi.

Hechos 15:3

Tũpao Antioquiaivi mondohavare hasa reta Feniciaipi hareka Samariaipi. Haipe Judio Tũpare jyrojavare mbeu marãra haimba Judiovare opa poishi arykai roja vekuare hareka pya hei jyve reta roja verã Tũpa. Kova ñee henduma retarã vy'a jyre.

Hechos 28:26

Ekua hoka tentape hareka ereshu: Pyhenduaratẽpo, tẽvã pikuaãpo; pyma'ẽãratẽ, tẽvã pyheshããpo.

Hechos 3:19

Hãrã, opa kavi pymbeu mbai porãmba pijapo vekua hareka peijy Tũpa jykoty, hejareii pyndyhevi verã mbai porãmba,

Romano 9:18

Hãrã Tũpa parekopo, hai pota parekovape, hareka pota pya mytantashiva, hai mytantashi.