Juan 12:36 - NandevaBiblia

³⁶ Ĩmeteri'ẽ pynymbytepe sape'õrã pirojahese, hai ryhevare iko pyndyhevi verã. Jesús kova opa heirã oho, ñemishi reta.

Juan 12:36 Iomraidhean Croise

Mateo 21:17

Hãrã ma'ẽĩhe retarã, õhẽ oho tenta Betania kyty, hareka hoka pyhare haipe pyta.

Mateo 5:14

Pee rãnga hai mbai sapeva ko yvy'ĩãrẽ. Pente tenta yvyturusu ĩãrẽ'õ katuãpo heshahã.

Lucas 16:8

Pyrokue'õ kuaama mbai ñyngareko porãmba'ihea katu'i jyve mbai japo verãrã, ijeta kavihe. Shara ko yvy'ĩãrẽ'õ japo'iare ha'eve jyve mbai japo verã hapishare hai rãĩmi'iare pevarã, Tũpa potava japo'ia retaivi.

Juan 1:7

Hãrã hokava ou kuaa kaviveva, mbeushu verã kuaretare kova mbai sapeva ryheva, pota opavare jyrojaherã.

Juan 11:54

Hãrã Jesús vata veamã Judiore mbyteipi, koñeĩ õhẽ Judeaivi hareka oho yvy ikoambaipi hyvache, tenta Efrain he'iashuape, haipe pyta hãndi mboireare.

Juan 12:37

Jesús heta japo mbaikavi heshaha verã haire hỹnonde, kyrãtẽvã jyrojãhe reta.

Juan 12:46

She hai sapeva ai vekua ko yvy'ĩãrẽ, opaite jyroja shyreheva ikoveama verã timimbivape.

Juan 3:21

Tẽvã mbai añeteva japo'iare ñymboja kõĩvape, opaiteva hesha verã Tũpa heishua japorã.

Juan 8:12

Jesús ijetajyshu kuareta retarã hei: She hai sapeva ko yvy'ĩãrẽ, ĩme'ẽ shimi'ĩrũvarã rekopo sapeva meẽvã tykove, hãrã ikoveamapo pyntuape.

Juan 8:59

Hãrã haire ita heky japishu verã Jesús; tẽvã hetavare mbytepe ñemirã õhẽjy oho tũpaovi.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

1 Tesalonicenses 5:5

Opaiteva rãnga pee mbai sapeka hareka ara kõĩvapeva. Ha'eã ñande pỹntu hareka timimbiape'õ;

1 Tesalonicenses 5:8

Tẽvã ñande ara kõĩvape jaiva, opa arapo haikavi jaiko. Jaijochapopy jyroja hareka jyhaihukuepy, syndaro ijochapya rãĩmi pitiaipi, ñymyhẽva'õ ñyrãrõ verã, syndaro ñãka jochapya rãĩmi ñañõno ñandijehe ñyhãrõ hareka ohojepea ryheva.