Juan 12:31 - NandevaBiblia

³¹ Ã'ẽ kuaretare yvy'ĩãrẽ'õ mbivachehakapo, hãrã ko yvy'ĩãrẽ huvisharã'õ Ãña mohẽãpo katuape.

Juan 12:31 Iomraidhean Croise

Mateo 12:28

She ãmohẽ mbaiposhykue Tũpa Espiritu rupiirã, hokava he'ise Tũpa Mburuvisha vasu vãhẽmapeva.

Juan 14:30

Hetaveamapo aijetape, shara vãhẽma ou Ãña ko yvy'ĩãrẽ huvisha'õ. Hai mbaivapẽã jepy shyrehe,

Juan 3:19

Jyrojambare jyvareamahe, shara mbai porãmba japo jyrerã, sapeva yvy'ĩãrẽ outẽã, timimbivaĩ pya ohovehe reta sapevaivi.

Juan 9:39

Haivi Jesús heishu: She ai, ko yvy'ĩãrẽ kuaretare hesha ijehe verã mbai porãmba japo vekua; heshamba kũvãipiare heshajy verã, hareka hesha'iare heshaveama verã kũvãĩpi.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

1 Corintios 1:20

Mapera'ẽ heta mbai kuaava? Mapera'ẽ ñee mbypara'ia? Mapera'ẽ katu ijetava? Tũpa rãnga mbaimbava rãĩmi japo ãrãndu ko yvy'ĩãrẽ'õre.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 6:12

Ñande ñaĩrãrõ ãña handi kuaretare, mbai poshyre juhuvisha reta rãnga ñaĩñymbivaisho vate arape'õre, pyrãntava hareka ko yvy ipope'ẽvã, jaikopyva pyntuva rãĩmi timimbiva.

Colosenses 2:15

Cristo mano kurusurerã, Tũpa opa ity tẽãre, opaitea mbaikatu ĩmereare, hareka hetavare hỹnonde mymarãka ñysyrõvavape raha õhẽkavi ohovape.

Hebreos 2:14

Hãrã tayre ho'o hareka huvykueivi me'ẽha jyveshu Jesucristo tyro'o hareka tuvy, ñymano rupii jukashu verã Ãña, hokava ñymano ijakue.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.

1 Juan 4:4

Shyrayre, pee rãnga hai Tũpa ryhevare, hãrã pijepymahe Tũpa ĩñee mbeu'ia japureivare shara pỹrãtave hai ẽẽ penendievare ko yvy'ĩãrẽ'õ retaivi.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.