Juan 12:28 - NandevaBiblia

²⁸ “Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

Juan 12:28 Iomraidhean Croise

Mateo 11:25

Hokava ara vãhẽrã Jesús hei: “Apyrahende Sheru. Nde hai yvy hareka vate arapy'õ Ija, rĩñomishi ñy'ãrãnduvare hareka mbai kuavare, hãrã rymbykuakashu sanjaymi retape.

Mateo 11:26

Opaite Sheru, shara kyrã nde ripota ikorã”.

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Mateo 26:42

Hãrã hykuãĩ mokueheare kyrãĩ oho jururejy: Sheru, katũã rymbyhasa shyhevi ko jepy'apyrã, japo nde ripotava rãĩmi.

Mateo 3:17

Hãrã ñyhendu vate araivi pente ñee heiva: “Kova hai Shyray ahaihuva, hai reheĩ avyava”.

Marcos 1:11

Hãma iñyhendu pente ñee ouva vate araivi heiva: “Nde hai Shyray ahaihuva, nde rupii shypya hory'ẽ”.

Marcos 14:36

Ñymboirã hei: Abba, Sheru, nde rãnga opa mbai javaiã rijapo verã; heky shyhevi kova mbai pohyva ahasa verã. Tẽvã avy tiko she aipotava, kõñẽi tiko nde ripotava.

Marcos 9:7

Haipe sapy'ãĩ vejy ĩãrẽ ãvãpỹntu, opa jasoi reta. Hãrã ãvãpyntuivi ñyhendu ñee heiva: Kova hai Shyray ahaihuva, pijaposhu heiva.

Lucas 3:22

Haipe ijyhesha vejy Jesús iãrẽ Espiritu Santo pykasu rãĩmi, haivi iñyhendu vate araivi pente ñee heiva: Nde hai Shyray ahaihuva, ndyrehe shypya hory.

Lucas 9:35

Haivi ou pente ñee ãvapyntuivi, heiva: “Kova hai Shyray ahaihuva, pijaposhu hai heiva”.

Juan 11:4

Jesús hokava hendurã hei: Ko mbairasy ha'ẽã rãnga opa verã ñymãnope; Tũpa ñymbaikatukue heshaka verãĩ rãnga, ko Lazaro ñymbairasykue rupii Tũpa heshakapo hai Tay mbaivasuva.

Juan 18:11

Jesús heishu Pedro: Ñoñajy ndykyse puku hyrupe. Ryrojãra ãĩme'ãĩva ahasa'asy verã Sheru heisheva rãĩmi?

Juan 9:3

Jesús heishu reta: Ha'ẽã hai hareka tuure mbai porãmba japo jyrerã; ko kuimbai kyrã oa Tũpa ñymbaikatukue heshakahe verã.

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Efesios 3:10

Kyrã, tũpaope ẽvã reta rupii, Tũpa jokuevare hareka Espiritu ñymbaikatuva yvyture iare kuaapo Tũpa opa kuaava.

Efesios 3:21

Opaite tũpao Cristo ryhevare ñaĩva ñamombaiñoĩshupe. Amén.

2 Pedro 1:17

Shara ore haipe ĩmehã'ẽ jyve Tũpa Teru õmombai vasushurã. Henduha hokava Tũpa ĩñee hĩmbipeva rupii: “Kova hai shyray ahaihuva, hai reheĩ avyava”.