Juan 12:25 - NandevaBiblia

²⁵ Hãrã ĩme'ẽ hykoveĩ haihuvevarã jyvarepohe, hipityãpo tykove opambava, tẽvã hykove haihumba hipitypo tykove opambava.

Juan 12:25 Iomraidhean Croise

Mateo 10:39

Hãrã hykove haihuva, hekyhaposhi, Shyrehe jyrojava hareka hykove haihumbava, hipitypo tykove opamba.

Mateo 16:25

Shara hykove pota mondojepeva, õñehundipo; katynga shyreepe manova, iko pukupokui.

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Marcos 8:35

Shara hykove potaĩ mondojepe'ia, ha'eipo jyvarejyhekui. Tẽvã hykove meẽ shyreheva hareka Ñee kaviva rehe, ohojepepokui.

Lucas 14:26

Ĩme'ẽ ou shykotyvarã, tẽvã haihuveva tuu, ishy, hyreko, tayre, tyvyre, hiindyre hareka ha'ei hykovetei, katuãpo ikoshi amboi'area.

Lucas 17:33

Ĩme'ẽ hykove pota mondojepevarã mondojepeãpo; tẽvã ma'ẽĩhe kañyshia, hipitypo tykove opambava.

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 21:13

Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽã shypokuaha verãĩ, katynga'ãĩ jyve ãmano verã Jerusalenpe Ñandeja heepe.

Hebreos 11:35

Ã'ãmo taupere myvãhẽjy hentape henta'ĩrũre manova kuerajy vekua. Ĩrũre opa mano heta nupaharã, shara he'iã reta nohẽãjy verã hejahareishu verã, shara hãrõre reta pente tykove haikaviteveva ouva manovare hykovejymarã.

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.