Juan 12:20 - NandevaBiblia

²⁰ Jerusalenpe ohovare õmombai verã Tũpa Pascua aretepe, haire mbytepe'ẽjyve Greciavare.

Juan 12:20 Iomraidhean Croise

Marcos 7:26

Kova t aupe hai Griega, tenta Sirofeniciaivi ouva. Haipe jurure'asyshu Jesús, mohẽshi verã mbaiposhy memby ĩmerea.

Juan 12:1

Hãrã 6 aravape ndeiteri vãhẽ arete Pascua verã, Jesús oho Betaniape Lazaro iko'iape hai mynguerajy vekua manovare mbyteivi.

Juan 12:19

Tẽvã fariseore hei jyre ijupe: Pyheshama mbaiveamapo katu jajapo. Pymãĩhe, marãra opaite kuaretare jyraha hipii!

Juan 7:35

Hãma Judiore pyrãndu jyre ijupe: Matyrapo ohojy ko kuimbai, katumba ñavãĩshu verãpe? Ohorapo Judiore opa ñymõmohẽva hendaipi, mboishu verã griego reta?

Hechos 14:1

Iconiope Pablo hareka Bernabé jypykuaañoĩ reta ichejyre reta israelitare jy tũpaope, hãrã ĩjetareta mbyrojaka verã, Judiore hareka haimba Judiore.

Hechos 16:1

Pablo vãhẽ oho Derbe hareka Listraperã haipe hesha pente mbo'eharea, Timoteo he'iashua, pente taupe Judiova memby ko taupe jyrojava jyve Jesús Cristore, tẽvã tuu hai Greciape'õ.

Hechos 17:4

Ĩmemba'ẽ haire rojavare, hãrã ñimi'ĩrũmbahe reta Pablo hareka Silas, hetamba'ẽ jyve griegovare rojavare, Tũpa õmombai'iare, hareka hetamba jyve taupe mbyvetehavare tentape.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 21:28

hareka sapuke reta: Kuimbaire Israelvare, yrỹmborymi! Kova kuimba hai oparupi kuaretare mboiheva ỹrỹrẽta hyvaishorã, Moisés mbypara vekuare hareka tũpaore, harekajy ã'ẽ minjemajy griegore, hareka myngya kova tyrẽnda kyambava.

Hechos 8:27

Felipe pũãrã oho; haivi pehupi ijesha hãndi pente kuimbai Etiopiava. Eunuco, mburuvisha vateve'õ hareka kyrypoti ñyngareko'ihea mburuvisha kuña Etiopiape'õ, hareka oho vekua Jerusalenpe õmombai verã Tũpa.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 10:12

Shara jyvavyã Judiore hareka Griegore; shara penteĩ'ẽ Teja, hareka ha'ĩjy opavare Ija hareka hetavee hai meẽshu hai hẽnova retape.

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Colosenses 3:11

Hãrã mba'etyma jyvavyhe verã ndera hai Greciape'õ maĩrã Judiora, ndera ndipire chĩchĩhã maĩrã chĩchĩhããra, ndera mbyryivireiva, maĩrã mba'ẽãra rikuaa, haira nde jokueharea maĩrã ha'ẽãra. Haikaviveva rãnga hai Cristo opa mba'epe hareka jyvache opavape'ẽ.