Juan 12:16 - NandevaBiblia

¹⁶ Jypyiterã mbo'ehareare kũããmba reta mbaivara he'ise kova jehu'õ. Tẽvã Jesús manorã hareka kuerajymarã, manduajyhe reta opaite kova mbai ikova Tũpa ĩñee mbyparahavape heiva rãĩmi opa iko.

Juan 12:16 Iomraidhean Croise

Marcos 16:19

Opama ñimiñeeshu retarã, Ñandeja Jesús hupihajy vate arape, hareka vapy Tũpa jakata kyty.

Marcos 9:32

Tẽvã haire kuãã mbaivara he'ise hokava hai heiva, hareka kyje pyrãndushu reta.

Lucas 18:34

Tẽvã haire kuãã mbaivara he'ise kova ñee, shara kova mbai ñemi'ẽshi reta, hãrã kuãã reta heishuvare.

Lucas 24:25

Hãma Jesús heishu reta: Pee mbaimba pikuaava! Marã'ĩrãra pyndypya tantaĩte pyroja verã Tũpa ĩñee mbeu'iare hei vekua?

Lucas 24:45

Hãma peajyshu reta pyare kuaa verãre mbyparaha vekua,

Lucas 9:45

Tẽvã Jesús mboireare kũãã mbaivara hei ñynoĩshu reta, shara ñomĩhateri ñynoĩshi reta potã kuaarã, hãrã kyje pyrãndushu reta Jesús.

Juan 12:23

Jesús heishu reta: Vãhema ora kuareta Tay õmomba'eha verã.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:4

She hai pee kova mbai, ikomarã pynymanduahe verã ambeumapeva kova. Tẽvã jypyiterã ambe'ũãpe kova mbai, shara ãĩmeteri'ãĩ pynymbytepe.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 2:22

Hãrã Jesús kuerajyma manovare mbyteivirã, mboireare manduahe hei vekuare, hãrã roja reta kuatia Mbyparahavapy'õ hareka Jesús heiva.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hechos 2:33

Tũpa mupuãjyma manovare mbyteivirã, mbyvapy jakata kyty, Tũpa meẽmashu Espiritu Santorã, hareka hai meẽ jyve ñande Espiritu, shara hai kyrã ĩñee meẽ ñande. Hokava rãnga hai pyhesha hareka pyhenduva.

Hechos 2:36

Tikuaa kavi opaite Israelvare, ko Jesús pee pymbysavava vekua kurusure, Tũpa japoshu Ñandeja hareka Mesia rãĩmi.

Hechos 3:13

Abraham, Isaac, Jacob ñu Tũpa hareka ñanytynondevare ñu Tũpa rãnga, vateiteve ñono hai tay Jesús opaite jokueva retaivi, pee pymeẽ hareka piñomipyre Pilato hỹnonde, hai heimatẽã poishi verã.

Hebreos 12:2

Ñamaĩpo Jesús jykoty, jyrojakue mbijypyva hareka mbyhaikaviteva, hasa'asy kurusure, hareka ñynotimbape mano, shara hai kuaa jyhasa'asy haykue ĩmepore vya ojaimbava hareka vapy Tũpa vapypya jakata kyty.

Hebreos 8:1

Mbai vasuveva opa mbai ja'evaivi rãnga hai kova, imẽjare pente pai vasu vate arapy'ẽvã, vapy'ẽva Tũpa vapy'õpe jakata kyty,