Juan 11:55 - NandevaBiblia

⁵⁵ Vãhẽserima arete Pascua verãpe Judiore jy'arete, heta kuaretare oho Jerusalenpe ñymypõti'ẽ verã areterã.

Juan 11:55 Iomraidhean Croise

Mateo 26:1

Jesús opa ijeta kova mbairerã, heishu mboireare:

Mateo 26:2

Pee rãnga pikuaa, mokue ara paskua arete verãpe. Hãrã kuareta Tay me'ẽãpo kurusure mbysavavaha verã.

Marcos 14:1

Mokue araima hemby'ẽ Pascua verã hareka pãhã harina mby'ouka jyhiamba arete he'iashuajy. Hãma pai ruvisha hareka Moisés mbypara vekua pyrỹmboi'iheare heka marãrapo mbytavy retarã pysyka Jesús hareka juka verãre;

Lucas 22:1

Vãhẽserima arete pãhã jihiambaa mbai mby'oukavaperã, “Pascua” he'iashua,

Juan 12:1

Hãrã 6 aravape ndeiteri vãhẽ arete Pascua verã, Jesús oho Betaniape Lazaro iko'iape hai mynguerajy vekua manovare mbyteivi.

Juan 13:1

Arete Pascua serima'ẽvã, Jesús kuaa vãhẽma jy'ora ko yvy'ĩãrẽ, ohojy verã vate arapy Tuu ẽvãpe. Jesús haihuñõĩmba, hai mĩ'ĩrũre vekuare ko yvy'ĩãrẽ'õre, hãrã ã'ẽ heshakashu reta hai heko jyhaihukue.

Juan 18:28

Haivi pai juhuvishare raha Jesús Caifas hentaivi huvishavasu Romava hentape. Kõĩmapotarã Judiore icheã, shara icherã ñymyngyapo reta mbyparahava japoa verã heiva rãĩmi; haire kyrã japo retarã katuãpo hou reta jykaru Pascua ryheva.

Juan 2:13

Vãhẽserima Pascua Judiore jy'areterã, Jesús oho tenta Jerusalenpe.

Juan 2:6

Haipe ẽẽ 6 kambushi yy hyru, Judiore ijoherã poryseva, haire ohohea japoseva rãĩmi. Pepenteĩ 100 litro rupi javeva.

Juan 5:1

Kova mbai ikovaivi mbovy aramajyrã Jesús oho Jerusalenpe, Judiore jy'arete ñynoĩvape.

Juan 6:4

Vãhẽserima Pascua verãpe, Judiore jy'arete.

Hechos 21:24

Ekua ijohe hãndi retakui, mbyhepyhe retakui ñakã mysãka verãre. Kyrãrãpo kuakavi retakui ãñetembava he'ia ndyreherã, kyrãtevẽrã rijapo kavi jyve Moisés mbypara vekuape heiva.

Hechos 21:26

Hãrã Pablo raha urũndy kuimbaire hareka parejyrã ñymypõtĩ hãndi, haivi iche tũpaope mbeu verã mbaiperapo opakui ara ñymypõtĩva, jaishu mbaiperapo pepenteĩ haire meẽ ijehe Tũpape me'ẽãva.

Hechos 24:18

She rãnga ãñymypõtĩ'ãĩ tũpaoperã, Asiaivi ouvare shyresha reta, tẽvã mba'etynunga kuareta haipe hareka amambekoã mbavape.

1 Corintios 11:28

Hãme rãnga pepenteĩpo maĩhe marãra'ẽ pyape, haivipo hou pãhã hareka tumbusururu vino kopapy'õ.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.