Juan 11:4 - NandevaBiblia

⁴ Jesús hokava hendurã hei: Ko mbairasy ha'ẽã rãnga opa verã ñymãnope; Tũpa ñymbaikatukue heshaka verãĩ rãnga, ko Lazaro ñymbairasykue rupii Tũpa heshakapo hai Tay mbaivasuva.

Juan 11:4 Iomraidhean Croise

Juan 10:38

Tẽvã ajaporã, ajema shyrojambatẽpiva, pyroja ajapovare, pikuaa kavi verã Sheru hareka she pentevãĩ orerã.

Juan 11:40

Jesús heishu: Ambe'ũarandeje, ryrojarã ryhesha verã Tũpa ñymbaikatukue?

Juan 12:28

“Sheru, heshaka nypyrãtãkue”. Haipe ñyhendu ñee vate araivi heiva: Aheshakama rãnga, tẽvã hykuaĩpo aheshakajy.

Juan 17:1

Jesús opa hei kovarã, mãĩ vate ararerã hei: Sheru, a'ẽ vãhẽma ara nde shymbyvete verã, Ndyray nymbyvete verã jyve.

Juan 17:10

Opaite ĩme'arevare hai jyve na'ãpova, hareka ĩmeryreare hai jyve sha'ãpova; haire rupii heshaha she vateve ãĩva.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 5:23

opaiteva kuaretare õmombai verãre Tay, Tuu õmombaiva rãĩmi. Tay õmombaimbava, õmomba'eã jyveshu Tuu hai mbou vekua.

Juan 8:54

Jesús heishu reta: Mbaivarapo ambijehu sheii aijeta kavi'ai shijeherãme? Ijeta kavi shyreheva hai Sheru, pee pere jyvehe punu Tũpa.

Juan 9:24

Haivi hẽnojy reta kuimbai heshamba kũvãĩpi vekuarã, heishu: Tũpa hỹnonde mbeu añeteva; ore kuaaha hoka kuimbai hai heko porãmbavarã.

Juan 9:3

Jesús heishu reta: Ha'ẽã hai hareka tuure mbai porãmba japo jyrerã; ko kuimbai kyrã oa Tũpa ñymbaikatukue heshakahe verã.

Romano 11:11

Ã'ẽ apyrãndu: Israelitare oa retarã, haipemaĩra pyta pũãmbape? Mba'ety! Ha'eã kyrãva, haikaviveva hai, Judiore ñee henduã retarã, haimbaa Judiovare Tũpa mondojepeshu, Israelitare ñyngareko jyre verã.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 1:20

Symyĩ kavivape ãhãrõ'ãĩ, ajapoãpo shymymarãka verã, koñeĩ pyavasupe ãmbeu Cristo ĩñee jepi ajaposea rãĩmi, tyhesha shyrehe kuaretare ko Cristo mbaivasuva, aikoterirã maĩrã amanomarã.

1 Pedro 1:21

Cristo rupii pyroja jyve Tũpa, mynguerajy vekua manovare mbyteivi hareka õmombaishu, jyrojakue hareka ñyhãrõ kuaa tõĩ Tũpa rehe.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.

1 Pedro 4:14

Pyvy'ãĩpo hehe'iha'ipe Cristo heeperã, shara Tũpa jy'espiritu hĩmbipe opa ara ẽẽ penendie.