Juan 11:25 - NandevaBiblia

²⁵ Haipe Jesús heishu Marta: She hai manovare mynguerajy'ia, hareka tykove. Shyrehe jyrojava, ajemaĩpo mano kuerajyñoĩpo.

Juan 11:25 Iomraidhean Croise

Lucas 23:43

Jesús heishu: Ãñete hai nde, ko arapepo rĩmerẽi shendiekui vate arape Sheru Tũpa ẽvãpe.

Juan 1:4

Haimba ẽẽhe tykove, hãrã hokava tykove hai kuaretare jysapeka.

Juan 14:19

Kõõima'ẽ, kuaretare shyreshaveama verãpe, tẽvã pee shyreshajypokui, shara ãmanoãpokui, hãrã pee pymano'ãĩpo jyvekui.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 3:36

Hãrã Tyray jyrojaheva ĩmemare tykove opambava; tẽvã Tyray rojambava, hipityãpo hokava tykove, koñeĩpo hipity ñunũpa pohyva Tũpaivi ouva.

Juan 5:21

Tuu mũpũãjyva rãĩmi mano vekuare hareka meẽjyshu tykove, kyrãĩ jyve Tay meẽ jyveshu tykove hai pota meẽshuare.

Juan 5:26

Shara Tuu ĩmere ijehe tykove, kyrãĩ jyve Tay, meẽshu tykove hai reko ijehe verã.

Juan 6:35

Jesús heishu reta: She hai pãhã meẽva tykove. Hãma shyrẽndape ouva ñymbahyveamapokui; hareka jyroja shyreheva haiveama ju'uhe verã.

Juan 6:44

Mba'ety rãnga ou verã shyrẽndape Sheru veruãshurã; hareka she amynguerajypokui ara japyape.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Romano 4:17

Mbyparahava hei: Arĩñono tentare hetava tuurã, hokava he'ise Abraham haiva ñanderu, Tũpa hỹnonde, kova haimba Tũpa Abraham rojava, Tũpa meẽshuva tykove mano vekuare, hareka japova maĩnunga ikombaterivare.

Romano 8:2

Shara ñee mbyparahava Espiritu ryheva japokava meẽ tykove Cristo rupii, shyrekyshi ñee mbyparahava mbai porãmba ryheva hareka ñymano.

1 Corintios 15:18

Kyrãrã Cristo jyrojaheva mano vekuare, jyvarehama jyvehe.

1 Corintios 15:29

Kyrãrãra, mbaiva japopo manoma vekuare ñymyngaraikava? Manovare kuerajyvyãrã, marã'ĩrãra ñymyngaraikahe reta?

2 Corintios 4:14

kuaaha marãra Tũpa mynguerajy Ñandeja Jesús manovare mbyteivi, hareka ore yrỹmynguerapo jyve hãndi, hãrã yryrahapo penendiekui hai hỹnonde.

Filipenses 1:23

Mokue maĩnunga shopy; shykyrẽy amano aĩme hãndi verã Cristo, hokava hai haikaviteveva;

Filipenses 3:10

Shykyrẽy aikuaveshuvape, hareka mbaikatu puãjyva ryheva, aĩ verã jyve hai jyhasa'asykuere, hareka amano verã hai mano vekua rãĩmi.

1 Tesalonicenses 4:14

Kyrã jarojava rãĩmi Jesús mano hareka kuerajya manovare mbyteivi, kyrãĩ jarojajy Tũpa mbyhykovejy verã Jesús hãndi; jyroja ryheve mano vekuare.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 20:5

Hareka hokava hai tynonde hykovejy vekuare; tẽvã ĩrũre hykovejyvyã opa mbotypeve 1.000 ãño.

Apocalipsis 21:4

Tũpa opapo joheshi sayre, ẽẽveãmapo ñymano, mbairãmba hykũaĩ ñymbairasyjy verã, maĩrã jaheojy, hareka mbai hasyvamba ñandujy verã, shara arykai'ẽ vekua mba'etyma”.

Apocalipsis 22:1

Haivi Tũpa jokueva shymbyheshakajy yy syryrã meẽva tykove. Hoka yy syryva õhẽ Tũpa vapypya õĩvi hareka Avisha Ray, vidrio sãkapya rãĩmi;

Apocalipsis 22:17

Espiritu Tũpa ryheva hareka Avisha Ray hei: “Ei, Sheja Jesús!” Hareka opaite jasaka'õre tei jyve reta: “Ei Sheja Jesús!” Opaite ju'uheva, tou reta. Hareka pota houva, mbaimba mbyhevapepo hou yy meẽva tykove.