Juan 10:5 - NandevaBiblia

⁵ Tẽvã kuambaare haykue ohoãpo, opaĩpo ñyvãhẽshi reta, shara kuããshi ĩñee.

Juan 10:5 Iomraidhean Croise

Marcos 4:24

Hãrã heijyshu reta: Pijasaka kavihe ko pyhendu pẽĩvare, papisha pijapova rãĩmi katĩĩpo, Tũpa pory jyve pyrehe; hãrã mi ĩrũhãvepojy pekui ko pyhenduvaivi.

Lucas 8:18

Hãrã pyhendu kavipo kova: Ko imẽrea mẽ'ẽhave poshu hetavere verã, tẽvã mba'ety reva mishi imẽte rea mikue opapo hekyajy shi.

Juan 10:16

Ĩmeĩ'are jyve ynga avishare haimba kova korape'õre, hokavare opapo arujyvekui. Hãrã haire japo verã jyve shiñee. Hãrã ẽpo pente jatyvapẽĩ, hareka penteĩpo'ẽ ñyngarekoheva.

Juan 10:4

Opama nohẽ katoape jy'avisha retarã, hỹnonderã ohoshu, hãrã avishare oho haykue shara kuaa reta ĩñee.

2 Timoteo 4:3

Shara vãhẽpokui ara kuaretare henduseveãma verã pyrymbo'eaheva mambaimbava, koñeĩ ha'eire potava rãĩmi, haire hekapo ynga pyrỹmboi'ia mboi verã ha'eire kyrẽy henduva.

1 Juan 2:19

Hai reta rãnga õhẽ ñanymbyteivi, tẽvã ha'ẽã ñandyryhevare, shara ñandyryheva retarã pytatẽ ñanendie verã, tẽvã kyrã jehu ijyhesha verã opaĩñoã ẽẽ ñanendievare hai ñandyryheva retarã.

1 Juan 2:21

Ambyparape kova kuatia, ha'ẽã pikuãã añetevarã, pikuaa rãnga jyve, hareka pikuaa mba'ety japuva õhẽ verã añetevaivi.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.