Juan 1:51 - NandevaBiblia

⁵¹ Jesús heijyshu reta: Ãñeteĩte hai pee, pyheshapokui ara vate'õ jypearã hareka Tũpa jokuevare jupi hareka vejy ñynoĩ'ĩãrẽrã ko kuareta Tay.

Juan 1:51 Iomraidhean Croise

Mateo 25:31

Kuareta Tay oujyma hĩmbipekue ryheve opaite jokuevare hãndirã, vapypokui jyvapyka hĩmbipevapy vate arapy.

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Mateo 3:16

Jesús ñymyngaraimarã, yyvi õhẽrã jypeashu ara vate'õ, haipe Jesús hesha Tũpa Espiritu, pykasu rãĩmi vejy ĩãrẽ.

Mateo 4:11

Hãrã Ãña syryshi Jesús, haipe Tũpa jokuevare jyveru ñyngarekohe verãre.

Mateo 8:20

Jesús heishu: “Avarare ĩmere ikua, hãrã vyrare ĩmere haity, tẽvã ko kuareta Tay mba'etyre putuu verãpe”.

Mateo 9:6

Aheshakapo pee, kuareta Tay ĩmere mbaikatu hejareii pyndyhevi verã mbai porãmba pijapova ko yvy'ĩãrẽ. Haipe heishu kuimbai vatamba'ia: “Pũ'ã, mupuã ndurupa, ekuajy nyrẽntape.

Marcos 1:10

Hãma Jesús õhẽjy yyvirã hesha jypeashu vate arapy, hãrã pykasu rãĩmi Espiritu Santo vejyhe.

Marcos 14:62

Jesús hei: She hai. Pyheshapokui kuareta Tay vapyma'ẽ Tũpa ñymbaikatuva jakata kytyrã hareka oujy ara vateivi ãvãpỹntupyrã.

Lucas 2:13

Haipe mondii ijeshaka Tũpa jokueva hareka ĩrũre hetava hãndi vate araivi, Tũpa pyrahe ñynoĩshurã hei reta:

Lucas 2:9

Mondii ijeshakashu reta pente Tũpa jokueva, haivi Ñandeja hĩmbipekue sape juri reta, hãrã opa kyje reta.

Lucas 22:43

Haipe ijeshakashu pente Tũpa jokueva vate araivi ouva, mỹpyrãntashu verã.

Lucas 22:69

Tẽvã, ã'ẽvãĩpo ko kuareta Tay vapykui Tũpa ñymbaikatuva jakata kyty.

Lucas 24:4

Opa kyje retarã kuaã mbaivarapo japo reta, hãrã haipe ijeshakashu reta mokue kuimbai mondea opa hĩmbipeva;

Lucas 3:21

Iko kuaretare, opama ñymyngarairã, Jesús ñymyngarai jyve; hãrã ñymboirã vate arapy jypea.

Juan 1:50

Jesús heishu: Aryreshaje igo ipe ryvapyrirã hainderãmeĩra, shyroja? Ryheshave rãngateripo kovaivi mbai vasuveva.

Juan 10:1

Haivi Jesús hei: Ãñeteĩte hai pee, ichemba avishare jykora hõcheipi, yngaipi icheva, hoka hai manarõ'ia hareka heko porãmba.

Juan 10:7

Haipe Jesús hykuãĩ heijyshu reta: Añetevape haijype: She hai õche avishare iche'õĩpi.

Juan 13:16

Ãñete hai pee, katuã jokueharea vateve'ẽshi jokuerea, hareka katuã mondohava vateve'ẽshi mondokava.

Juan 13:38

Jesús heishu: Ãñeteratẽ nde rẽĩ rỹmano shendie verã? Ãñeteĩte hainde, ndeiteri uru ñeerã, mbahapyjypo rerekui shykuambava.

Juan 14:12

Ãñete hai pee, jyroja shyreheva japopo jyvekui opa maĩnunga she ajapova, hareka hetavepo maĩnunga japokui, shara ahajypo Sheru ẽvãpe.

Juan 16:20

Ãñete rãnga hai pee, pijaheopo hareka pyvy'ãpopi, kuaretare vyañynoĩ hairã. Pyvyambatẽvãra, pyvyamba vekua ikoposhikui vy'akue.

Juan 16:23

Hoka arape mbaiveamapo pypyrãndushekui, añetevape hai pee Sheru, meẽñoĩpopekui shyreepe pirureshuva.

Juan 21:18

Añetevape hai nde, arykai nukunumi terirã, rẽĩ kavirã pota rehova kyty reho, tẽvã rykuakuamarã rỹmysymyĩpo ndijyva, hãrã yngava retapo nimimonderã ndyrahakui natẽỹ rehova kyty.

Juan 3:3

Hãma Jesús heishu: Añeteĩteva hai nde, oa py'ahujymba, katuãpo hesha Tũpa ẽvãpe.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Juan 5:19

Haivi Jesús heishu reta: Añetevape hai pee, Tũpa Tay katuãã japo maĩnunga ijuhuvireii; Tuu hesha japovãĩ japo jyve. Opa maĩnunga Tuu japova, Tay japo jyve.

Juan 5:27

Hãrã Tũpa meẽshu mbaikatu jahe pyryrehe verã, shara hai kuareta Tay.

Juan 6:26

Jesús heishu reta: Añeteĩteva hai pee, shyrekapi shara opa pynyvãta apyrỹmyngarurã, ha'ẽã pikuama mbaivara he'ise hoka mbaikavi heshaha verã ajapo vekuarã.

Juan 6:32

Jesús heishu reta: Ãñeteĩte haijype, ha'ẽã rãnga Moisés meẽpeva pãhã vate araivi ouva. Sheruteiva rãnga meẽpe pãhã añeteva vate arapy'õ!

Juan 6:47

Ãñete hai pee, jyroja shyreheva ĩmemare tykove opamba verã.

Juan 6:53

Jesús heishu reta: Ãñete hai pee, pe'ũã kuareta Tay hoo hareka pumbusururuã huvyrã, katuãpo ĩmepyre tykove.

Juan 8:34

Jesús heishu reta: Ãñete hai pee, opaite mbai porãmba japo'iare, iko mbai porãmbava ipope.

Juan 8:51

She añeteva hai pee; shiñee japova, manoveãmapo.

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Hechos 10:11

Hesha vate arare jypearã hareka vejy ouva yvyre tarapo tivisha ovava, urũndy kavi japy jokuahava.

Hechos 7:56

Hãrã hei: Ahesha vate arapy jypearã hareka kuareta Tay rãĩmi ou vekua ñymboy'ẽ Tũpa jakata kytyrã.

2 Tesalonicenses 1:7

hareka pee pyhasa'asypeĩva, ore rãĩmipo me'ẽã jyvepe putuu. Kova ikopokui Ñandeja Jesús iñandukama tata ryheve vate araivirã, jokuevare mbaikatuva hãndi,

2 Tesalonicenses 1:9

Haire jaheapohekui opa õñehundi verãpe. Mombohapo mbyry Ñandeja ẽvãivi, hĩmbipekue hareka ñymbaikatukueivi,

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Judas 1:14

Kova retare rãnga Enoc ijeta jyve, kuimbai 7 hea, Adan heirã vekua: “Pymaĩhe, Ñandeja heta ou hãndi jokuevare,

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.

Apocalipsis 4:1

Haivima amaĩjy vate araperã ahesha pente õche jypeava. Hãrã ñee tynondeite ahendu vekua trompeta rãĩmiva, heishe: Jupi kope ambishakaponde iko verã.