Juan 1:45 - NandevaBiblia

⁴⁵ Haivi Felipe oho heka Natanael, heshamarã heishu: Vãhẽha rãngashu kuimbai, Moisés mbyparahe vekua hareka Tũpa ĩñee mbeu'iare, hokava hai Jesús, José tay Nazaretpe'õ.

Juan 1:45 Iomraidhean Croise

Mateo 10:3

Felipe, Bartolome, Tomas, Mateo kyrypoti mbatyse'iare Roma pevarã, Jacobo Alfeo tay; hareka Tadeo;

Mateo 13:55

Kova rãnga hai yvyrare mba'apo'ia tay, hareka ishy hai Maria. Tyvyre Jakobo, José, Simón hareka Judas,

Mateo 2:23

Vãhẽ jyraha haiperã, oho iko jyre tentami Nazaret he'iashuvape. Kyrã jehu iko verã hekope kavi Tũpa ĩñee mbeu'ia hei vekua: “Jesús mbyheeapo Nazareno”.

Mateo 21:11

Hãrã Jesús oho hãndiare hei: Ko rãnga hai Tũpa ĩñee mbeu'ia Jesús, tenta Nazaretvi ouva, Galileape'õ.

Marcos 14:67

hãma hesha Pedro jypea'ẽ tata hyvache, maĩherã taupe heishu: Nde rãnga riko reijyve hãndi ka'ãĩ Jesús Nasareno.

Marcos 6:3

Ha'ẽãra kova yvyrare mba'apo'ia, Maria memby, Jacobo, José, Juda hareka Simón tiche'y? Ikõãra jyre jyve ñanymbyteipi, hiindyre? Kuãã reta hei verã rãĩmi.

Lucas 18:37

Mbeushu reta Jesús Nazareno hasa ohova haipi.

Lucas 2:4

Hãrã José õhẽ tenta Nazaretvi, yvy Galileape'õ, oho Belenpe Judea kyty huvisha vasu David oa vekuape, heshara José hai David ñymoña hãndiare.

Lucas 2:48

Japoare heshamarã mbyrymaĩ reta; hãrã ishy heishu: Shymemby, marã'ĩrãra kyrãri yryhevi? Nderu hãndi hetama ndyrekaha vy'ambaa ryheve.

Lucas 24:27

Hãma õñepyrõ Moisésvi hareka Tũpa ĩñee mbeu'iare hei vekuaivi, kuaakashu reta opaite kova mbai kuatia mbyparaa vekua heiva.

Lucas 24:44

Haivi heijyshu reta: Kova rãnga hai ãmbeupe vekua, ãĩmeteri'ãĩ pynymbyteperã, ikoñoĩ shyre verã Moisés mbypara vekuapy'õ hei shyreva hãndi Tũpa ĩñee mbeu'iare jy kuatiape hareka Salmo py'õ.

Lucas 3:23

Jesús 30 ãño marerã õñepyrõ mba'apo. He'iahe José tayva, Eli tay,

Lucas 4:22

Opaiteva ijeta kavihe Jesús, hãrã mbyrymaĩhe reta mbai kavikuere heiva rehe hareka hei reta. Ha'eãra kova José tay?

Juan 1:44

Felipe hai Betsaidape'õ, Pedro hareka Andres iko'iape.

Juan 12:21

Kovare ñymbojahe Felipe, hai jyve tenta Betsaidava, Galileape'õ, jurureshu reta: Karai, pota rãnga heshahave Jesús.

Juan 14:8

Haipe Felipe heishu: Yreja, ma'ẽĩhe tyheshahave Nderu, hãrã haikavimatẽpove orekui.

Juan 18:5

Haire heishu: Jesús Nazareno. Jesús heishu reta: She hai. Haire mbytepe ĩme'ẽ jyve Judas, Jesús pysykava.

Juan 18:7

Jesús hykuaĩ pyrãndujyshu reta: Mbavara pyhekapi? Hãrã haire heishu: Jesús Nazareno.

Juan 19:19

Haivi Pilato ñonoka kurusu ĩãrẽ pente ñee heiva: “Jesús Nazareno, Judiore juhuvishavasu”.

Juan 21:2

Opaĩ ñynõĩ penteapeĩ Simón Pedro, Tomas mbyheeavajy mokuepya, Natanael tenta Caná Galileape'õ, Santiago hareka Juan Zebedeo tayre, ĩrũ mõkue Jesús mboireare hãndi.

Juan 6:42

Hãrã hei reta: Kova kuimbai ha'ẽãra Jesús, José tay? Ñande rãnga jaikuaa tuu hareka ishy! Marã'ĩrãra hei vate araivi ouva?

Juan 6:5

Jesús hesha heta ohohipiva kuaretare, hãrã pyrãndushu Felipe: Maivirapo javashu kuaretare hou verã?

Juan 6:7

Felipe heishu Jesús: 200 ara hepykuemba jave'ẽ ñande verã rãnga pãhã pysesẽmi hou verãre.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 2:22

Hãrã pee Israelpe pẽĩvã pyhendu ko she haiva: Tũpa rãnga heshaka pynymbytepe Jesús Nazaretva mãrãra hai mba'ety katumba japova, hai rupii heta japo mbaikavi heshaha verã, pyrỹmyngyjeva hareka heshaha verã, pee pikuamava rãĩmi.

Hechos 22:8

Hãrã apyrãndushu: “Mbavara nde, Karai?” Hai heishe: “She hai Jesús Nasaretva, nde rymoña ryreva”.

Hechos 26:9

Sheave rãnga heta añehãã amby'opa verã Jesús nazareno jyrojaheare.

Hechos 3:6

Pedro heishu: Ita vera ijuva hareka ita vera tĩĩva mba'ety are, tẽvã ĩme'areva ameẽponde; Jesucristo Nazaretva heepe pũ'ã hareka vata.