Juan 1:33 - NandevaBiblia

³³ She aikuãã jyve mbavara hai; tẽvã shymbou vekua apyrỹmyngarai verã yype heishe: “Ryheshama pente kuimbai vejyhe Espiriturã, hokava hai pyrỹmyngaraiva Espiritu Santopy”.

Juan 1:33 Iomraidhean Croise

Mateo 3:11

Añete yypeĩ apyrỹmyngarai pyhejama mbai porãmba pijapo vekuarã. Tẽvã shaykue ouva pynymyngaraipokui Espiritu Santo hareka tatape, hai mbai vasuve shyhevi, jypasaĩmba katu ajorashua.

Lucas 3:16

tẽvã Juan hei kuareta retape: Ãñeteara she apyrỹmyngarai yype; tẽvã ĩme'ẽ pente ouva shaykue mbaikatu ĩmevere shyheviva, katumba ajorashia jypasa ishãitẽã. Haipo pynymyngaraikui Espiritu Santo hareka tatapy.

Juan 1:31

She aikuaa kaviã jyve mbavara, tẽvã she ai apyrỹmyngarai yype israelitavare kuaa verã mbavara hai.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 3:34

shara Tũpa mbou vekua ijetahe Tũpa ĩñee, shara Tũpa opaĩ meẽshu jy Espiritu.

Juan 3:5

Jesús heishu: Añeteĩteva hai nde, oa py'ahujymba yy hareka Espiritu rupii, katuãpo iche Tũpa ẽvãpe.

Juan 7:39

Hokava Jesús heirã, he'ise jyrojaheare mẽ'ẽãshu verã Espiritu; tẽvã hoka arape Espiritu Santo nde'iaveteri ou, shara Jesús nde'iave teri ohojy vate arape.

Hechos 1:5

Ãñete rãnga Juan yypeĩ pyrymyngarai tẽvã pee piñymyngaraipokui Espiritu Santope.

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

1 Corintios 12:13

Shara penteva Espiritu Santoivi pepenteĩ ñanymyngaraiha opaite iko ñandyhevi verã penteva tyreteĩ, jaishu Judio maĩrã griego, jokuehareireape maĩrã mbaimba ñandochavape; hareka opaĩ penteva Espirituivi ñonoã ñande ñaimbyu verã.