Juan 1:29 - NandevaBiblia

²⁹ Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 1:29 Iomraidhean Croise

Mateo 1:21

Hai memby kuimbaipokui, hareka rymbyheepo ko sanjay Jesús, kyrãpo he'iashu shara hai mondojepepo henta ĩrũre mbai porãmbaivi”.

Mateo 20:28

Kyrã, kuareta Tay oũã ñyngareko pyryrehe verã, jokueha'i verã rãnga jyve hareka meẽ verã tykove, mondo jepe verã hetavape mbai porãmbaivi.

Juan 1:35

Pareemajyrã, hykuaĩ Juan ẽẽjy hãndi mokue mboireare.

Juan 1:36

Heshama Jesús haipi hasa ohorã, Juan hei: “Pymãĩhe, hokava hai Tũpa Avisha Ray!”

Juan 1:43

Pareemajyrã, Jesús hei ohojy verã Galilea kyty. Haipe hesha Felipe hãrã heishu: Ei shipive.

Juan 2:1

Mbahapy arajyape iko omendava Canápe tenta Galileape'õ. Jesús ishy haipe'i jyve.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Hechos 13:39

Hãrã Jesús rupii ñymbyheko kaviva opaite jyrojaheare hareka opaite katumba ñymbyheko kavi vekua Moisés jykuatia rupii.

Hechos 8:32

Mbyparahava mbijeta'ẽvã hai kova: Avisha Ray rãĩmimba rahaha jukaha verã; hareka ko avisha ray rãĩmi jasakava opaite piro ñonovare hỹnonde, haipemba mbai heiva.

1 Corintios 15:3

Shara tynonde ãmbeupe, sheteiva me'ẽãshe vekua, hokava hai Cristo mano mbai porãmba jajapo vekua rehe, Mbyparaha vekua heiva rãĩmi,

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

1 Timoteo 2:6

Jesucristo meẽmba hykove hareka manomba opava kuaretare mbyhepyrã mondojepe verã, hãrã kova mbe'uhava jy'arape kavi ijeshaka.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 9:28

Kyrã jyve Cristo penteĩmba meẽ hykove hetava retaivi heky verã mbai porãmba vekua; oujyrã haiveãma raha verã mbai porãmba, koñeĩ hãrõ pytambavare mondojepe verãĩmapo.

1 Pedro 1:19

koñeĩ Cristo huvy haikavivapy, Avisha Ray mambaimbaa, kyambava hareka kapyryva.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

1 Juan 4:10

Jyhaihukue añeteva rãnga hai kova: Ha'ẽã ñande jahaihuva Tũpa, hai rãnga tynonde ñandyraihu hareka mbou arykai Tay yvy'ĩãrẽ jukaharã rupii hejahareii ñandyhevi verã mbai porãmba jajapo vekua.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 13:8

Hareka omombaishu reta kova mymba opaite Avisha Ray jykuatia tykove ryhevape hee ñonoambava, jukaha vekua. Kova kuatia ẽẽmba arykai Tũpa yvy ndeiteri japorã, haipe opa ĩme'ẽ kuaretare hee tykove ĩmemareare.

Apocalipsis 14:1

Haivi amaĩrã, aheshajy Avisha Ray ñymboy'ẽ ñana'õ Sionpe, haipe õĩ hãndi 144.000 ĩmereva Avisha Ray hee hareka Tuu hee mbyparava syvare.

Apocalipsis 14:10

haipo hou jyve Tũpa poshykue, haitei ẽẽ vekua poshykue hyrupe; hãrã jyvareapohe tatapy hareka asufre Tũpa jokuevare kyambava hỹnonde hareka Avisha Ray.

Apocalipsis 14:4

Kova hai taupe ñyngyambaheare shara pokohãterihe. Kova reta hai Avisha Ray mi'ĩrũ jyrevare ohova reta kyty. Kova hai mondoajepevare kuaretare mbyteivi me'ẽãva kapyryva Tũpa pevarã hareka Avisha Ray.

Apocalipsis 15:3

Hareka haire pyrahe Moisés Tũpa jokuerea jypyrahe hareka Avisha Ray jypyrahe: Ojaĩã hareka mashyã opava rijapova Sheru Tũpa mbai katukue, heko kavi hareka haikavi ndyrape tentavasure Juhuvisha vasu.

Apocalipsis 17:14

Haire ñyrãrõpo hãndi Avisha Ray, tẽvã hai jepypohe reta, shara hai tejare Ija, hareka mburuvisha vasure Juhuvisha vasu”, hareka Hai ẽẽ hãndivare, hai hẽnoavare, pyhỹrõãvare hareka Tũpape henduñoĩvare.

Apocalipsis 19:7

Ñandyrorypo, ñaĩmytynyhẽ vy'a hareka ñamombai vasushu, shara vãhẽma ara Avisha Ray omenda verã, hyreko opama õĩkavi.

Apocalipsis 19:9

Tũpa jokueva heishe: Mbypara kova: “Vy'apo opaite hẽnohakavare Avisha Ray omendavape”. Haivi heishe: “Kovare hai ñee añeteva Tũpa ryheva”.

Apocalipsis 21:14

Tenta mangorahapya ĩmere 12 jypyre hareka ĩãrẽ ẽẽ 12 tyreere 12 Avisha Ray jy'apostolre hee.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

Apocalipsis 21:9

Haivi ou penteva 7 Tũpa jokuevare 7 copa ĩmereva tynyhe'õ koñemahe verã mbairasy porãmba, hareka heishe: “Ei kope; ãrỹmbyheshakapo tyrekorã, Avisha Ray hyrekorãpokui”.

Apocalipsis 5:6

Haivi ahesha vapyhaseape, urũndy ĩmeĩteri'iare hareka karai kuakuavare mbytepe, ñymbo'y'ẽ pente Avisha Ray jukahava rãĩmi vekua 7 ijuu ĩmere hareka 7 hesa, hareka hesare hai 7 Tũpa ijespiritu mondoha vekua oparupi yvy'ĩãrẽ.

Apocalipsis 5:8

Hekyma kuatiarã, urũndy hykoveteri'iare hareka 24 kuakuavare ĩñesu Avisha Ray hỹnonde, pepenteĩ ipopere arpa hareka vaso ita vera ijuva tynyhẽ'õ mbai pishekatuva, hokava he'ise Tũpa ryhevare jurureva.

Apocalipsis 6:1

Ahesha pente Avisha Ray pea tynondehea 7 sello'õ hareka ahendujy penteva urũndy hykove'iare sapukerã hy'apuva rãĩmi, hei: Ei maĩhe!

Apocalipsis 6:16

Hãrã heishu yvyturusure hareka ita vasupe: Pea yrẽãrẽrã ĩrĩñomishi vapyhaseape vapy'õ hỹnondeivi hareka Avisha Ray poshykueivi,

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.

Apocalipsis 7:17

Shara Avisha Ray ẽẽ vapyhasepya mbytepe ñyngarekopohe hareka rahapo meẽshu verã yy õhẽ'õ meẽva tykove, hareka Tũpa opapo joheshu say hesa retaivi.