Juan 1:19 - NandevaBiblia

¹⁹ Kova hai Juan mbeuva, Judiore juhuvisha Jerusalenpe'õre mondo pai ruvishare hareka Levitare hai ẽvãperã, pyrãndushu verãre haira mbava jyve.

Juan 1:19 Iomraidhean Croise

Juan 1:7

Hãrã hokava ou kuaa kaviveva, mbeushu verã kuaretare kova mbai sapeva ryheva, pota opavare jyrojaherã.

Juan 10:24

Haipe Judiore opajerehe, hãrã pyrãndushu reta: Mbaipeverapo kyrã yryre kuaa kavimba mbavara nde? Nde hai Cristorã mbeu kavi ore.

Juan 10:31

Haipe Judiore hykuaãĩ opa hekyjy reta ita japi verãre Jesús.

Juan 11:19

heta Judiore oho Marta hareka Maria hentape, mbypya kavijy verãre jykyvy manoshirã.

Juan 2:18

Haipe Judiore pyrãndushu: Marãva mbaikavi heshaha verãrapo ryheshaka'ore, kuaaha verã ĩmeryreva mbaikatu kyrã rijapo verã?

Juan 2:20

Haipe Judiore heishu: 46 ãño rãnga japohare kova tũpao mupu'ãhã verã kova tũpao; hãmera nde mbahapy arapẽĩpo rũmupũãjykui?

Juan 5:10

hãrã Judiore juhuvisha heishu hoka kuimbai kuerava: Putu'uava jy'ara rãnga'ẽ, ẽãnde ryraha verã ndurupa.

Juan 5:15

Ko kuimbai oho Judiore juhuvisha ẽvãpe, haipe mbeushu reta Jesús mynguerava.

Juan 5:16

Hãrã Judiore moña jyre Jesús, shara putu'uava jy'arape hokava mbai japo.

Juan 5:18

Kova rehe Judiore potaiteve jukajyre Jesús, shara japo pente mbai japohamba verã putu'uava jy'arape harekajy ñimbivache'i hãndi Tũpa, hei Tũpa haiva Tuu.

Juan 6:41

Kova mbai rehe Judiore õñepyrõ ijeta porããhe Jesús. Shara hei: “She hai pãhã vate araivi ou vekua”.

Juan 6:52

Haipe Judiore ha'ire ijeta pohyjyre ijupiirã hei: “Marãrapo ko kuimbai ha'i hoo ho'uka ñande?”

Juan 7:1

Kova mbai hasamarã, Jesús iko vata'i tenta Galileaipi, hãrã ñatẽỹ oho Judeape, shara Judiore heka ñynõĩ haipe pota juka retarã.

Juan 7:11

Haipe Judiore heka jyrerã hei: Mãĩpiante ĩme'ẽ hokava kuimbai?

Juan 7:15

Haipe Judiore mbyrymaĩ retarã hei: Marãira hetaite mbai kuaa, ñymboimba vekua?

Juan 8:22

Hãrã Judiore heishu: Ha'eirapo ijukakui kova, hãmeãra hei ohovape katumba jaha verã?

Juan 8:48

Hãma Judiore heishu Jesús: Añeteva rãnga he'ia, he'ia nderã, nde hai Samariape'õ, hareka mbaiposhy ĩmeryre.

Juan 8:52

Haipe Judiore heishu: Ã'ẽ kuaa kavima nde mbaiposhy ĩmeryrerã! Abraham, hareka Tũpa ĩñee mbeu'iare opama mano, hãmera rere ore: “Shiñee japova, manoveamapo”.

Juan 8:57

Hãma Judiore heishu Jesús: Nde'iave 50 ãño ryre, hãmera rere'ore yreru Abraham ryheshava?

Hechos 13:25

Hãrã Juan hykove japyserimãra hei: “She ha'ẽã pee pypya pĩmbijetapi shyreheva rãĩmi tẽvã shaykue ou pente jypasa ĩshãĩmba katu ajorashia”.

Hechos 19:4

Pablo heishu reta: Ãñete rãnga Juan myngarai opaite heko porãmba vekuaivi ñymbeujy vekuare, tẽvã heishu kuaretare jyrojahe verãkui hai haykue ou verã, hokava jaishu Jesús.

1 Juan 1:5

Kova hai ñee henduashi vekua hareka mbe'uhape: Tũpa hai mbaihendyva hareka mba'etyhe pyntukue.