Juan 1:14 - NandevaBiblia

¹⁴ Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:14 Iomraidhean Croise

Mateo 1:16

Jacob, José tuu; hareka José, María ĩme; María, Jesús ishy Cristo he'iashua.

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Lucas 2:7

Haipe oashu memby tynondeva, hareka tarapopy ñoma, haivi miñenopy pente mymbare karuseape shara mba'ety ẽ verã retape.

Lucas 9:32

Pedro hareka ñi'ĩrũre hypehytẽvare, ocheã reta, hãrã hesha reta Jesús hĩmbiperã hareka mõkue kuimbai ẽẽ hãndiva.

Juan 1:1

Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

Juan 11:40

Jesús heishu: Ambe'ũarandeje, ryrojarã ryhesha verã Tũpa ñymbaikatukue?

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 17:22

She ambyvete reta, nde shymbyveteva rãĩmi, ñymypenteĩ verãre, ñande ñañymypenteĩva rãĩmi.

Juan 17:24

Sheru, nde rỹmeẽshevare, aipota haire ẽẽ jyve she ãĩ verãpe, hesha verãre hĩmbipeva rymeẽsheva; shara nde'iaveteri ko yvy ẽrãvãĩ nde shyraihu.

Juan 18:37

Hãrã Pilato heishu Jesús: Akuarã haira nde huvishavasu? Jesús heishu: Hai rãnga, nde rereva rãĩmi. Ha'erã aa ko yvy'ĩãrẽ ambeu verã añeteva. Hãrã opaite mbai añeteva japo'iare, hendu jyve reta ambeuva.

Juan 2:11

Kova heshaha verã Jesús japova Caná yvy Galileape hai tynondeite japova. Kyrã heshaka ñymbaikatukue hãrã mboireare jyrojahe.

Juan 3:16

Shara Tũpa haihuite kuareta retarã, meẽ Tay pente'ia, opaite jyrojaheva potãã manorã, koñeĩ ĩmere verã tykove opambava.

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Juan 6:51

She rãnga hai pãhã meẽvã tykove ouva vate araivi; hãma houva ko pãhã manoveamapo. Ko pãhã ameẽ verã hai shyroo, ameẽpokui opaite kuaretare rehe ẽvã ko yvy'ĩãrẽ manomba verã.

Juan 8:32

Pikuapokui añeteĩteva. Hãrã añeteĩteva opapo pindijorashi mbai pyndyrekova ipope.

Hechos 13:33

Tũpa opa japo ĩñee meẽ ñande vekua, ñande haijyveva ñymoñashia, mynguerajyshu verã Jesús, heiva rãĩmi Salmo mokueheape: “Nde hai shyray ko arape she ãrĩmĩmoña vekua”

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

1 Corintios 15:47

Kuimbai tynondeva rãnga hai yvy ĩãrẽ'õ, yvyivi japoa vekua; kuimbai mokueheva, haiva Ñandeja, hoka hai ara vate'õ.

2 Corintios 12:9

Tẽvã hai heishe: “Koñeĩ rikotẽve shyhevi jyhaihu; shara mbaikatu ĩme'areva ijeshaka kavi kangykuepe”. Hãrã shypyrãtamba vekuapeĩpo airoja shijehe, Cristo pyrãtãkue ẽẽ sheãrẽ verã.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Colosenses 1:19

Shara Tũpa mbyvyamba opaite ñymbaikatukue Cristo ẽẽherã.

Colosenses 2:3

hai ĩãrẽ ẽẽ opa mbai haikavivare ouva mbaikuaakue hareka ãrãnduivi.

Colosenses 2:9

Shara opaite Tũpa heko ẽẽhe Cristo hykove hareka hetere,

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Hebreos 1:3

Tũpa hĩmbipekue heshahahe Tay, hai rãnga penteva rãĩmi handi Tũpa, Tay rupii tanta'ẽ opa mbai ĩñee ñymbaikatuva rupii. Opama johe ñandyhevi mbai porãmba jajapo vekuarã, vapy'ẽ Tũpa ñymbaikatuva jakata kyty vate arapy,

Hebreos 1:5

Shara Tũpa mape'aĩteimba jokueva heishu: Nde hai Shyray, she haipokui Nderu, he'iãvaĩjyshu: She haipokui hai pevarã pente Teru, hareka hai she pevarã haipo pente Tyray.

Hebreos 10:5

Hãrã, Cristo ourã ko yvy ĩãrẽrã, heishu Tũpa: “Nde ripotãã mymba jukahava hareka me'ẽãreiva, koñeĩ rymeẽshe pente tyrete.

Hebreos 2:11

Shara opaiteva pente Tuuĩre; mbyhekoa kaviva hareka pyrỹmbyheko kaviva. Hãrã, Tũpa Tay notiã heihe verãre haiva “tyvyre”,

Hebreos 5:5

Kyrãĩ jyve Cristo õñemomba'eã ha'ei pai vasurã iñiñonorã, Tũpa rãnga ñono; hareka heimbashu: “Nde hai Shyray, ã'ẽ hai ndyrehe nde haiva Shyray”

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

1 Juan 4:9

Tũpa rãnga heshaka ñande jyhaihu, mbou Tay pentereva ko yvype, hai rupii ĩmẽjare verã tykove opambava.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

Apocalipsis 19:13

Haivi ñimimondepy mondeava turuvykuetei vekua, hareka hee: “Tũpa Ĩñee”.

Apocalipsis 21:3

Ahendu vapyhasepyaivi õhẽ pente hỹnatu heiva: “Kope ĩme'ẽ Tũpa ñytavernáculo kuaretare mbytepe ẽva. Ikopo hãndi reta, hai retapo henta'ĩrũre hareka Tũpateipo ẽẽ hãndi retakui Ñu Tũparã.