Juan 1:10 - NandevaBiblia

¹⁰ Hokava Ñee ẽẽñoĩmba ko yvy'ĩãrẽ, ajemaĩ Tũpa japoteã ko yvy hokava Ñee rupii, tẽvã kuaretare mba'ẽã kuaaseshi reta.

Juan 1:10 Iomraidhean Croise

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Juan 1:11

Hentapetei ou, tẽvã henta ĩrũre myvãhẽãshu.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:3

Hai rupii opava maĩnunga japoha, hãrã mba'ety hai rupimba japohava.

Juan 1:5

Hãrã hoka hendyva sape timimbivape, hãrã timimbiva katuãã mbove.

Juan 17:25

Sheru hekope kavi rĩpirĩmbivacheva, kuaretare yvy'ĩãrẽ'iare ndykuãã; She arykuaa hareka amboi'areare kuaa nde shymbouva.

Juan 5:17

Tẽvã Jesús heishu reta: Sheru rãnga mba'apoñõĩ hai ã'ẽpeve, hãrã she amba'apoñoĩ jyve.

Hechos 14:17

ajemaĩ heshaka ñoĩteshu reta mbavara hai, mbaikavi japo opaiteva pevarã: Mboupe ãma, ñotyhavare myno'õha kaviva hãrã hokava meẽpeva heta peu verã hareka pyvya verã.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

Colosenses 1:16

Hai rupii rãnga Tũpa japo opaite arare'õ hareka yvy'ĩãrẽ'õre, opaite mbai heshahava hareka heshahambavare; mburuvisha vasure, opaite espiriture pyryrekova ipope hareka pyrãtavare; Cristo rupii opa mba'e japoha hareka hai pevarã.

Hebreos 11:3

Jyrojakue rupii jaikuaa Tũpa japomba kova yvy jerekue hai ĩñee rupii, japohashi opa maĩnungare katumba jaheshava.

1 Juan 3:1

Pymaĩhe marãra ñandyraihuite Teru, japo ñanymbyheehapy verã Tũpa tay, añete hai ñande! Hãme rãnga ko yvy'ĩãrẽ'õ ñandykuãã, shara kuããshu reta Tũpa.