Juan 1:1 - NandevaBiblia

¹ Jypyiterãvãĩmba ẽẽ Ñee, hareka hokava Ñee ẽẽ hãndi Tũpa, hãrã hokava Ñee hai Tũpa.

Juan 1:1 Iomraidhean Croise

Mateo 1:23

Ko kuñatãi ndei kuimbai pokohea memby kuimbaipo. Hãrã hai heerãpo “Emanuel” he'iseva: “Tũpa ẽẽ ñanendie”.

Lucas 24:53

hãrã haire tũpaopeĩ jyre pyrahe hareka ohovasashu verã Tũpa. Amén.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:2

Jypyiterãvaĩmba Tũpa ẽẽ hãndi kova Ñee.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 20:28

Haipe Tomas hei: Sheja, hareka shu Tũpa!

Juan 8:58

Jesús heishu reta: Ãñete hai pee, she ĩmemaĩ aiko arykai ndeiteri Abraham ikorã.

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.

Efesios 3:9

meẽjyshe opaite apyrỹmbykuaaka verã opa rupi kova Tũpa, opava japova, arykaivaĩ ñomireva opa ara.

Filipenses 2:6

Ajemaĩ haite Tũpa, hai he'iã ijehe mbivacheva Tũpa maĩnunga ha'ĩ pysy verã rãĩmi,

Colosenses 1:15

Cristo rãnga hai Tũpa Tay, hai rãnga ndei yvy japoharãvãĩmba ẽẽ hai; hai rãnga Tũpa jaheshambava hã'anga.

Colosenses 1:17

Cristo rãnga ikomaĩ hai ndeiteri maĩnungare'ẽrã, hãrã hai rupii opa mba'e hendape kavi'ẽ.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 13:8

Jesucristo rãnga hai ka'ãmeva, ã'ẽva hareka opa ara pevarã.

Hebreos 7:3

Mba'ety kuaava mbavara tuu, ishy hareka tynondeshi vekuare; mbaipera oa hareka mbaipera mano. Hãrã hokava pai, ova Tũpa Tay, hai pai opa ara pevarã.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

1 Juan 5:7

Mbahapy rãnga'ẽ kuaakava kova mbai vate arape: Teru, Ñee hareka Espiritu Santo; hareka kova mbahapy'õre hai pentevãĩ.

Apocalipsis 1:11

hokava ñee heishe: She hai jypy hareka japyhea, õñepyrõhea hareka opahea, ryheshava mbypara kuatiape rahaka 7 tũpao Asiape'õ, Éfesope, Esmirnape, Pergamope, Tiatirape, Sárdispe, Filadelfiape, hareka Laodiceape.

Apocalipsis 1:17

Hãrã aheshamarã, a'a yvype ipy hỹnonde manova rãĩmi. Tẽvã hai ipo jakata ñono sheãrẽ, heishe: Avy kyje, she hai õñepyrõhea hareka japyhea.

Apocalipsis 1:2

hai opa mbeu opaite hesha vekua Tũpa ĩñee hareka Jesucristo mbeuva.

Apocalipsis 1:8

She hai jypy hareka japyhea, õñepyrõhea hareka japyhea, hei Tũpa ñymbai katuveva, hykove'ia, hykoveñoĩ'i vekua hareka ouserimava.

Apocalipsis 19:13

Haivi ñimimondepy mondeava turuvykuetei vekua, hareka hee: “Tũpa Ĩñee”.

Apocalipsis 2:8

Mbypara jyveshu Tũpa jokueva tũpao Esmirnape'õ: Kyrã hei tynonde hareka japyhea, arykai manova hareka puãjy vekua,

Apocalipsis 21:6

Heijyshe: “Opama iko! She hai õñepyrõhea hareka opahea. Ju'uhe'ia, ameẽreiiposhu ñymbyupy verã yy õhẽ'õ tykove meẽva.

Apocalipsis 22:13

She hai tynondeva hareka japyhea, oñepyrohea hareka opahea”.

Apocalipsis 3:14

Mbypara jyveshu Tũpa jokueva tũpao Laodiceape'õ: Kova hai he'ikava Amén, mbai heshava japumbava, añeteva heiva, Tũpa japova õñepyrõhe vekua.