Hechos 8:9 - NandevaBiblia

⁹ Tẽvã haipe pentemba'ẽ kuimbai Simón he'iashua, pajepe mbai kua'ia hokava tentape hareka mbytavy'ia kuaretare Samariape'õ, heimba'i ijehe kuareta vateve'õ.

Hechos 8:9 Iomraidhean Croise

Juan 7:18

Hareka ijuhuvii pyrỹmboiva, japo pota kuaretare mbyveteshurã; tẽvã Tũpa mbouva õñehãã kyrã japo õmombaivasushu verã, hokava añeteva hei hareka mba'etyre mbai hekopemba'õ.

Hechos 13:6

Hãrã opama hasa yvy japua õra vãhẽ reta Pafospe. Haipe hesha reta pente Judeava pajeva Barjesus he'iashua, ñimiñee'rã'ãnga'ia.

Hechos 13:8

Hãrã Barjesus, pajeva Elimas he'iashuva griego ĩñeepe, õñemõihe reta hareka õñehã'ãpaite potãã mburuvisha rojarã.

Hechos 5:36

Pynymanduarahe kyyãteri Teudas puãrã vekua, oñemombai vasu vekua hãrã mi'ĩrũ 400 kuimbai rupii tẽvã hai jukahamba haivi opaite iko'i hipiare opa ñymomohẽ hãrã opareii.

Hechos 8:11

Hãrã jasaka kavihe reta, shara ñymbai kuaakue rupii heta ara mbytavypy reta.

2 Tesalonicenses 2:4

Hokava kuareta ñymbyvaishopohe Tũpa hee rahavare maĩrã pota omomba'eha hareka pyhyrõpo Tũpa jytũpaore hareka Tũpa rãĩmipo ijapo.

2 Timoteo 3:2

Imepo'ẽ kuaretare ha'ei ijaihuva, kyrypoti haihuva, jyrojapo ijehe hareka ijetapareipo ijehe. Ijeta porããpohe Tũpa, tuure heishua japoveãmaposhu, ñee kavi henduseveãmapo hareka kuaaseveãpo Tũpaivi,

2 Timoteo 3:5

Ñymbyhekopo tykove mbijicheava Tũpa pevarã rãĩmi, tẽvã ñomipo jyre Tũpa ñymbaikatukue. Avy jihia'i kuareta kyrã'iare.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.