Hechos 8:12 - NandevaBiblia

¹² Tẽvã rojama reta Feliperã mbeu Ñee kaviva Tũpa vate'õ mburuvisha vasurã vate araivi ouva ryheva hareka Jesucristo heerã, vokape kuimbai hareka taupere ñymyngarai reta.

Hechos 8:12 Iomraidhean Croise

Mateo 28:19

Pekua opaite tentaipi pijaposhi reta shimimbo'ẽrã, pymyngaraishu reta Tuu, Tay hareka Espiritu Santo heepe.

Lucas 9:2

Hãrã mondoshu reta mbeu verãre Tũpa ẽvãpe'õ ryheva, hareka mynguera verã ñymbairasyvare.

Lucas 9:60

Jesús heishu: Ma'ẽĩhe manovare tiñoty hoka manova; tẽvã nde ekua mbeu ñee Tũpa ẽvãpe'õ ryheva.

Hechos 1:3

Manorã hareka kuerajymarã, Jesús ijeshakajyshu reta, heshaka kavi verã hai kuerajymava manovare mbyteivi, 40 ara kavi ikojy hãndi reta, ijetaheshu reta Tũpa vapyape ryheva ara vate'õpe.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 18:8

Hãrã Crispo sinagogape mĩñakã'õ hareka opaite hentape'õre jyroja jyvehe Ñandeja, hareka heta Corintovare hendu hokava ñeerã, rojarã, ñymyngarai jyve reta.

Hechos 19:5

Kova mbai hendu retarã ñymyngarai reta Ñandeja Jesús heepe.

Hechos 2:38

Pedro heishu reta: Peijy Tũpa jykoty, hareka pepenteĩ pimyngarai Jesucristo heepe, Tũpa hejareii pyndyhevi verã mbai porãmba pijapo vekua, hãrã meẽpope Espiritu Santo.

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 20:25

Aikuaa kavi mba'etypokui peeva Tũpa huvisharã'õpe'õ ryheva ambeushu vekuare, shyreshajy verã.

Hechos 28:31

Mbaivamba jokoshuvape mbeu'i Tũpa ẽvãpe'õ hareka mboihe reta Ñandeja Jesucristo ryheva, mbavamba jochashuvape.

Hechos 5:14

Ñymbyhetave oho Ñandeja jyrojahevare, taupe hareka kuimbaire.

Hechos 8:4

Tẽvã Jerusalenvi opa momohẽã vekuare mbeu reta Ñee kaviva ryheva ohova retaipi.

Romano 10:10

Shara typyaivi rojaha hipitya verã tykove hekope kavi'õ ryheva, hareka tijuruipi he'iha Jesucristo jarojava jahajepe verã.

1 Corintios 11:11

Tẽvã Ñandeja rehe, kuimbai ikoã taupembape, kyrãĩjy taupe ikoã kuimbaimbape.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

1 Pedro 3:21

Hareka hokava yy heshaka ã'ẽ japoryva ñaĩmyngarai verã, hai rupii Tũpa ñanymondojepe. Ñymyngarai ha'ẽã mbai kya opama ñandyreteivi hekyva, he'iseĩ mbaikuaakue kyamba Tũpa hỹnonde. Jesucristo kuerajy rupii veru ñande pyrỹmondojepeva;