Hechos 6:3 - NandevaBiblia

³ Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Hechos 6:3 Iomraidhean Croise

Mateo 23:8

Tẽvã pee avypo kuaretare pynymbyhee pyrỹmboi'ia, shara pee pente'ovare hãrã pyrỹmboi'ia rãnga penteĩ'ẽ, hokava hai Cristo.

Juan 21:23

Hãrã mbe'uha opaite Jesure jyrojavare mbytepe, hokava mboirea manombahai verã. Tẽvã Jesús he'iambashu manombahai verã, kyrãreii heishu: “Aipotarã ĩmeĩteripo'ikui, aijypeve. Mbaivara nde hokava?”

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 1:21

Ĩmejare kope kuimbaire ñanimi'ĩrũñoĩ'ia opa ara Ñandeja Jesús ikoteri'i ñanymbyteipirã.

Hechos 10:22

Haire hei: Senturion Kornelio rãnga ỹrỹmbouje, pente kuimbai heko kaviva, Tũpa omoimbaishuva hareka opavare ijeta kavihe Judiore mbytepe. Pente Tũpa jokueva heishu ouha ma'ẽã ndyrehe, reho verã hentape nde rereshuva hendu verã.

Hechos 15:23

Hãrã mbyrahaka reta ko kuatiape heiva: Ore Apostol, kuakuavare tũpao ñãkarã'õre hareka jyve opaite kope tũpaope'õre, pynymarãnduha opaite yryryvyre, haimba Judiovare, pee tenta mbyryva pikova Antioquia, Siria hareka Ciliciape.

Hechos 16:2

Jesure jyrojavare Listra hareka Iconiope'õre mandua kavihe Timoteo,

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Hechos 22:12

Haipe ẽẽ pente kuimbai Ananías he'iashua, kuimbai pyryparekova Tũpa haihuva hareka Moisés mbypara vekua heiva japoñoĩ'ia, hareka opaite Judiore ijeta kavihea Damascope'õre.

Hechos 28:14

Haipe heshaha a'ãmo Jesure jyrojavare, hãrã jururejy'ore pytaha hãndi verãre pente semana, haivi ohoha Romape.

Hechos 6:2

Hãrã opaite 12 Apostolre opa mbatyka Jesús mboirea retarã heishu: Porãã ore hejaha verã Tũpa ĩñee mbe'uha ia karu verãpe ñyngarekoha'ihe verã.

Hechos 6:5

Hãrã opaite haipe ñymbatyvare haikavishu reta he'iava rãĩmi, haivi ñono reta Esteban, kuimbai tynyheva jyrojakue hareka Espiritu Santo, Felipe, Procopo, Nicanor, Timoteo, Parmenas, Nicolas Antioquiape'õ jyrojahe vekua Judiore ohoheva.

Hechos 6:6

Haivi veru reta Apostolre ẽvãpe, hãmã haire ñymboishu Tũpa, hãrã ipore ñaka ĩãrẽ ñono.

Hechos 9:30

Hãma pente'ovare Jesús jyrojaheare kuaama retarã, raha reta Cesareape haivi mondo tenta Tarsope.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 16:3

Ãvãhẽma aharã amondopokui pee pyrojakatuvare Jerusalénpe kuatia ambyparava ryheve, kyrypoti pymbaty vekua rahape verã Tũpape me'ẽãva rãĩmi.

Efesios 5:18

Avy piñymyngaupi vinopy, hokava rãnga pyrỹmbai, pynytynyhẽ jyve Espiritu Santo.

1 Timoteo 5:10

Tijykuaashi mbaikavi japova; jaishu mbykuakua kavi membyre, myvãhẽ kavi hentape mbuhupa, maĩkavirahe Jesús ryhevare mbai mba'etyreare, hareka mboryra iko'asyvare. Kyrã opaite mbaikavi japo vekuare.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

3 Juan 1:12

Opaiteva ijeta kavihe Demetrio hareka hai hykovepe heshaka he'iaheva añeteva. Ore ijetahakavĩĩ jyvehe, nde rikuaa kavi mbe'uhava haiva añeteva.