Hechos 6:1 - NandevaBiblia

¹ Hokava arape ñymbyhetave oho Jesús mboireare, opaite ijetava griego ĩñeepe õñepyrõ ijeta porããhe reta hebreo ĩñeepe ijetavare, hei reta ñyngarekoha kaviãhe opaite taupere hai ryheva retarã, ĩme manoshiare, hou verãre mẽ'ẽhavape.

Hechos 6:1 Iomraidhean Croise

Mateo 23:13

Tengapope Moisés mbypara vekua pyrỹmboi'iheare hareka fariseore, hova mokue'iare! Pymbotypiva huvisha vasu vate arapy'õ ryheva hõche potãã yngavare icherã, hãrã peeave picheã jyve hareka pyma ẽĩahe iche pota ichevare.

Hechos 11:20

Tẽvã ĩme'ẽ a'ãmo hai retava ouva Chipreivi hareka Sireneivi, vãhẽma jyraha Antioquiaperã õñepyrõ ĩjetaheshu reta haimba Judiova retape, ñee kavi Ñandeja Jesús ryheva.

Hechos 11:26

Haipe pyta hareka ñymbaty hãndi reta tũpaope'õre pente ãño kavi, hetava kuareta mboishu reta. Hareka ohojy tenta Antioquiape haipemba tynõndeite oñepyrõ mbo'ehareare mbyheheharã he'iashu reta “Cristo jyrojahea”.

Hechos 11:29

Hãrã opaite Jesús mboireare mambaty verã pepenteĩ ĩmereamire, mboryshu verã ñandyryvyre Judeaipi iko'iare.

Hechos 2:41

Kyrã opaite ĩñee henduvare, ñymyngaraika reta. Hoka arape iche jyrojavare mbytepe 3.000 kuareta.

Hechos 2:45

mbyhepymeẽjyre jy'yvyre hareka mbai ĩmereare, hepykue memeẽ ijupe reta ikotẽvẽva rãĩmi.

Hechos 2:47

Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

Hechos 4:35

haivi veru meẽshu reta Apostolre, hareka pepenteĩ meme'ẽãshu reta mbai ikotẽveva rupii.

Hechos 4:4

Tẽvã hetamba Ñee hẽnduvekuare rojajy; 5.000 rupiimba rojaitevare, kuimbaire jepeiva.

Hechos 5:14

Ñymbyhetave oho Ñandeja jyrojahevare, taupe hareka kuimbaire.

Hechos 5:28

He'iha kavi rãngape ỹnteñoma pypyrỹmboi verã Jesús heepe, tẽvã ã'ẽ pymytynyhẽma Jerusalen pypyrỹmboihea, hãrã pota pity yryrehe ko kuimbai ñymanokue.

Hechos 6:2

Hãrã opaite 12 Apostolre opa mbatyka Jesús mboirea retarã heishu: Porãã ore hejaha verã Tũpa ĩñee mbe'uha ia karu verãpe ñyngarekoha'ihe verã.

Hechos 6:7

Tũpa ĩñee mbe'uha jyvyĩ rahaha hareka ñymbyhetave Jerusalenpe Ñandeja Jesús mboireare, hareka heta paire jyrojaheva jyve.

Hechos 9:29

Haipe ijeta hareka hei ñynoĩ ijupii reta Judiore hãndi griego ĩñeepe ijetavare tẽvã haire õñepyrõ hei reta juka verã.

Hechos 9:39

Hãma Pedro pũãrã, oho hãndi reta. Haipe vãhẽmarã, raha reta Tabita hetekue ẽvãpe hareka opaite ĩme manoshiare haipe ẽẽjyve, jaheo ñynoĩ hareka mbyheshaka mondeava hareka jaso'iavare Dorcas imeteri'irã japo vekua.

Hechos 9:41

Pedro mbyhasashu ipo mũpũã verã, haivi hẽno heko kyambare hareka ĩme manoshiare, hãrã heshaka Tabita kuerajymava.

Romano 12:7

me'ẽã ñande ñapyrỹmbory verãrã, ñapyrỹmborypo; ñapyrỹmboi verãrã, ñapyrỹmboipo;

1 Corintios 10:10

Avy pijeta porããpi, ã'ãmo haire japova rãĩmi, hãrã heta opa juka reta Tũpa jokueva, veruva ñymano.

2 Corintios 11:22

Hai retara hebreo? Ha'ĩ jyve she. Hairetara Israelvare? Ha'ĩ jyve she. Hairetara Abrahamvi ñymoñava? Ha'ĩ jyve she.

Filipenses 3:5

Shipire chĩchĩã shyhevi 8 aravape, she hai penteva Israelvi ñymoña hãndiva, Benjamín ryheva; she rãnga ha'eiteva hebreo, hareka Moisés mbypara vekua pevarã, she hai jyve penteva fariseo ryhevare.

1 Timoteo 5:3

Mbyveteshu taupe ĩme manoshi vekuare, ãñeteĩte mba'etyreva mboryshu verã.

1 Timoteo 5:9

Taupe ĩme manoshia ñonoã verã hee kuatiape, rekopo 60 ãño hareka penteva kuimbai hyrekokuepo.

Hebreos 13:1

Avy pypoi pijyhaihu shyryvyre.

Santiago 1:27

Opakavi jajapova Tũpa ĩñee ryheva hai kova: Ñambory reta tuu hareka ishyveamavare hareka ĩme manoshiare opava maĩnunga mba'etyshuape, hareka ñaĩngareko ñandijehe potamba ñaĩmyngyapya mbai porãmba ko yvy'ĩãrẽ'õ.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

Santiago 5:9

Shyryvyre, avy pypya jyrova ijuhuvi, pinimbijicheamba verã. Pymaĩ, pirĩmbijiche'ia õchepema'ẽ.